ఛార్మీ పుట్టినరోజున జ్యోతిలక్ష్మీ టీజర్ విడుదల

Posted: 05/11/2015 11:15 AM IST

ప్రముఖ దర్శకుడు పూరీ జగన్నాథ్ దర్శకత్వంలో ఛార్మి ప్రధాన పాత్రలో నటిస్తున్న తాజా చిత్రం ‘జ్యోతిలక్ష్మీ’. సమాజంలో ఆడవాళ్లపై జరుగుతున్న అన్యాయాలపై ఓ స్ట్రాంగ్ పాయింట్ తో పూరీ తనదైన శైలిలో ‘జ్యోతిలక్ష్మీ’ చిత్రాన్ని తెరకెక్కిస్తున్నట్లుగా తెలిసింది. ఇటీవలే ఈ చిత్రానికి సంబంధించిన ఫస్ట్ లుక్ టీజర్, పోస్టర్ ను విడుదల చేసారు. దీనికి భారీ క్రేజ్ వచ్చింది.

కేవలం రెండు నెలల్లోనే షూటింగ్ మొత్తం పూర్తి చేసేసారు. ఈ చిత్ర ట్రైలర్ ను ఛార్మి పుట్టినరోజు కానుకగా మే 17న విడుదల చేయడానికి పూరీ ఏర్పాట్లు చేస్తున్నారు. ఇప్పటికే ఛార్మి డబ్బింగ్ కార్యక్రమాలను మొదలుపెట్టేసింది. పోస్ట్ ప్రొడక్షన్ పనులు శరవేగంగా జరుగుతున్నాయి.

ఛార్మి కౌర్ సమర్పణలో సి.కె.ఎంటర్‌టైన్‌మెంట్‌ ప్రై. లిమిటెడ్‌, శ్రీశుభశ్వేత ఫిలింస్‌ పతాకాలపై నిర్మాత సి.కళ్యాణ్ నిర్మిస్తున్నారు. పిజి విందా సినిమాటోగ్రఫీ, సునీల్ కశ్యప్ సంగీతం అందిస్తున్నారు. అతి త్వరలోనే ఈ చిత్రాన్ని ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు.