చరణ్ కి చిర్రెత్తుకొచ్చి.. కోతి బొమ్మ పెట్టేశాడు

Posted: 03/20/2015 10:29 AM IST

టాలీవుడ్ మెగాపవర్ స్టార్ రామ్ చరణ్ తేజ్ కి వున్నట్లుండి ఏమయ్యిందో తెలీదు కానీ.. తాజాగా అతని ఫేస్ బుక్ లో ఓ కోతి బొమ్మను అప్ లోడ్ చేశాడు. ‘‘కోతి కల్లు తాగితే ఎలా ప్రవర్తిస్తుందో తెలుసు కదా! అదే కోతికి మైక్ దొరికితే, మీరే ఊహించుకోండి...’’ అంటూ స్టేటస్ కూడా అప్ లోడ్ చేశాడు. దీంతో ఈ విషయంపై ఇప్పుడు ఇండస్ట్రీలో రకరకాలుగా చర్చించుకుంటున్నారు. ఎల్లప్పుడూ తన మూవీకి సంబంధించి అప్ డేట్స్, ఇతర సందేశాత్మక విషయాల గురించి తన సోషల్ నెట్ వర్కింగ్ వెబ్ సైట్లలో అప్ లోడ్ చేసే చెర్రీ.. సడెన్ గా కోతి బొమ్మను ఎందుకు పోస్ట్ చేశాడంటూ చెప్పుకుంటున్నారు. దీనిపై ఎన్నోరకాల ప్రచారాలు కూడా జరుగుతున్నాయి.

చరణ్ హీరోగా శ్రీనువైట్ల దర్శకత్వంలో ‘మై నేమ్ ఈజ్ రాజు’ పేరిట మూవీ రూపొందుతున్న విషయం తెలిసిందే! తొలుత ఈ సినిమాకి మ్యూజిక్ డైరెక్టర్ గా ‘కొలవెరి’ ఫేం అనిరుధ్ ని తీసుకున్నారు. ఈ మూవీ ప్రీ ప్రొడక్షన్ పనులు జరిగేంతవరకు అంతా బాగానే వుండేది. కానీ.. ఇంతలోనే ఏమయ్యిందో తెలీదు కానీ.. అతడిని తీసేసి తమన్ ని తీసుకున్నారు. అనిరుధ్  సరిగ్గా ట్యూన్స్ అందించకపోవడం వల్లే అతడ్ని తీసేసినట్లుగా వార్తలొచ్చాయి. పైగా.. యూనిట్ లో అతడు కాస్త ఓవర్ గా రియాక్ట్ అయినట్లు చెప్పుకుంటున్నారు. అతను ఆ విధంగా ప్రవర్తించడం వల్లే చెర్రీ అతని మీద కోపంగా వున్నాడని, ఈ నేపథ్యంలోనే అతడిని ఇమిటేట్ చేస్తూ తన ఫేస్ బుక్ లో కోతి బొమ్మ పెట్టాడని గుసగుసలు వినిపిస్తున్నాయి. మరి.. ఇది నిజమో కాదో తెలియాలంటే దీనిపై చరణ్ స్పందించాల్సిందే!