ఏప్రిల్ 9న బాలయ్య లయన్ పాటల సందడి

Posted: 03/19/2015 11:01 AM IST

నందమూరి బాలకృష్ణ నటిస్తున్న తాజా చిత్రం ‘లయన్’. బాలయ్య సరసన త్రిష, రాధిక ఆప్టే హీరోయిన్లుగా నటిస్తున్నారు. ఎస్.ఎల్.వి సినిమా సంస్థలో నిర్మాత రుద్రపాటి రమణారావు నిర్మిస్తున్న ఈ చిత్రానికి సత్యదేవా దర్శకత్వం వహిస్తున్నాడు.

ఇటీవలే విడుదలైన ఫస్ట్ లుక్ స్టిల్స్, ట్రైలర్ లకు మంచి స్పందన వస్తోంది. ఇంకా ఈ చిత్ర పోస్టర్లు, థియేటర్ ట్రైలర్ విడుదలకాక ముందే ఈ సినిమాకు భారీ క్రేజ్ ఏర్పడింది. అంచనాలు మరింత పెరిగిపోయాయి. ఇటీవలే ఈ చిత్ర శాటిలైట్ రైట్స్ భారీ రేటుకు అమ్మడు పోయాయి.

మణిశర్మ సంగీతం అందిస్తున్న ఈ చిత్ర పాటలను ఏప్రిల్ 9న ఘనంగా విడుదల చేయడానికి సన్నాహాలు చేస్తున్నారు. హైదరాబాద్ లోని శిల్పకళా వేదికలో ‘లయన్’ ఆడియో విడుదల కార్యక్రమాన్ని ఘనంగా విడుదల చేయడానికి చిత్ర యూనిట్ సన్నాహాలు చేస్తున్నారు. ఈ కార్యక్రమానికి ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు ముఖ్య అతిథిగా విచ్చేయనున్నట్లుగా తెలిసింది.

అలాగే ఈ చిత్రాన్ని మే1వ తేదిన విడుదల చేయబోతున్నట్లుగా సినీ వర్గాల సమాచారం. ప్రస్తుతం ఈ చిత్ర షూటింగ్ శరవేగంగా జరుగుతోంది. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.