దిల్ రాజు సమర్పణలో మణిరత్నం బంగారం

Posted: 02/13/2015 03:45 PM IST

మణిరత్నం దర్శకత్వంలో దుల్కర్ సల్మాన్, నిత్యామీనన్ హీరోహీరోయిన్లుగా ‘ఓ కాదల్ కన్మణి’ చిత్రం రూపొందుతున్న విషయం తెలిసిందే. ఈ చిత్ర షూటింగ్ దాదాపు చివరి దశకు చేరుకుందని, నిర్మాణాంతర కార్యక్రమాలు కూడా మొదలయ్యాయని సమాచారం.

లవ్, రొమాంటిక్ ఎంటర్ టైనర్ గా రూపొందుతున్న ఈ చిత్రం గతంలో మణిరత్నం రూపొందించిన ‘అలప్పాయుదే’ సినిమా తరహాలోనే వుండబోతుందని తెలిసింది. తెలుగు, తమిళ, మలయాళం భాషలలో ఒకేసారి విడుదల చేయనున్నారు. ఈ చిత్రాన్ని తెలుగులో ‘ఒకే బంగారం’ పేరుతో విడుదల చేయనున్నారు.

ఈ చిత్ర తెలుగు వెర్షన్ పంపిణీ హక్కులను డిస్ట్రిబ్యూటర్ దిల్ రాజు సొంతం చేసుకున్నాడు. శ్రీ వెంకటేశ్వరా క్రియేషన్స్ సంస్థ నిర్మాత దిల్ రాజు తెలుగు వర్షెన్ ను విడుదల చేయనున్నారు. ఈ చిత్రానికి పి.సి. శ్రీరామ్ సినిమాటోగ్రఫీ, ఏఆర్ రెహమాన్ సంగీతాన్ని అందిస్తున్నారు.

తమిళంలో సొంత నిర్మాణ సంస్థ మద్రాస్ టాకీస్ పతాకంపై సుహాసిని మణిరత్నం, మణిరత్నంలు ‘ఓ కాదల్ కన్మణి’ను నిర్మించారు. ఏప్రిల్ నెలలో సినిమాను విడుదల చేయడానికి సన్నాహాలు చేస్తున్నారు.