ఎంతవాడు గాని ఫిబ్రవరి 27న ఎటాక్

Posted: 02/12/2015 04:20 PM IST

అజిత్, అనుష్క, త్రిష హీరోహీరోయిన్లుగా గౌతమ్ మీనన్ దర్శకత్వంలో రూపొందిన తాజా చిత్రం ‘ఎన్నై అరిందాల్’. ఇటీవలే విడుదలైన ఈ సినిమా బ్లాక్ బస్టర్ హిట్టయ్యింది. అన్ని చోట్ల హౌస్ ఫుల్ కలెక్షన్లతో దుమ్మురేపుతోంది. ఫస్ట్ లుక్ విడుదలైన క్షణం నుంచి అంచనాలు తారాస్థాయికి చేరిపోయాయి. ఇక సినిమా విడుదలయ్యాక తమిళంలో సంచలనమైన రికార్డులు సృష్టిస్తున్నాయి.

ఈ చిత్రాన్ని తెలుగులో ‘ఎంతవాడుగాని’ పేరుతో విడుదల డబ్బింగ్ చేస్తున్నారు. తెలుగుకు సంబంధించిన ఫస్ట్ లుక్ పోస్టర్ లను ఇటీవలే విడుదల చేసారు. ఇందులో అజిత్ చాలా సింపుల్, మాస్, స్టైలిష్ గా కనిపిస్తున్నాడు. ఇందులో అజిత్ మూడు విభిన్న పాత్రలలో కనిపిస్తున్నాడు. స్టైలిష్ యాక్షన్ రొమాంటిక్ ఎంటర్ టైనర్ గా రూపొందిన ఈ చిత్రంపై తెలుగులో కూడా భారీ అంచనాలు నెలకొన్నాయి.

తెలుగులో ఈ చిత్రాన్ని ఈనెల 27న గ్రాండ్ గా విడుదల చేయనున్నారు. ఇప్పటికే తెలుగులో అజిత్ కు కూడా మంచి క్రేజ్ వుంది. తమిళంలో అజిత్ నటించిన పలు చిత్రాలు తెలుగులో డబ్బింగ్ అయ్యాయి, అలాగే రీమేక్ కూడా అయ్యాయి. మరి ఇపుడు భారీ అంచనాల నెలకొన్న ఈ సినిమా తెలుగులో ఎలాంటి విజయం సాధించనుందో త్వరలోనే తెలియనుంది.