తమిళ తంబీల ఇంట.. తెలుగమ్మాయి పంట!

Posted: 02/13/2015 04:01 PM IST

తెలుగు పరిశ్రమలో వున్న తారలందరూ ఇతర రాష్ట్రాల నుంచి ఇంపోర్ట్ అయినవాళ్లే! తెలుగమ్మాయిలు వున్నప్పటికీ.. ఇక్కడి డైరెక్టర్లు వారికి మంచి అవకాశాలు ఇవ్వడం లేదు. అందుకే.. ఇతర (తమిళ, కన్నడ) పరిశ్రమల్లో తమ అదృష్టాన్ని పరీక్షించుకునేందుకు వెళుతున్నారు. ఈ కోవలోనే తాజాగా బింధుమాధవి కూడా చేరిపోయింది. టాలీవుడ్’లో ఎంట్రీ ఇచ్చిన ఈ అమ్మడు.. కోలీవుడ్ లో మాత్రం పెద్ద స్టార్ గా దూసుకుపోతోంది.

ఆంధ్రప్రదేశ్ రాష్ట్రంలోని మదనపల్లె ప్రాంతానికి చెందిన ఈ అమ్మడు.. ‘ఆవకాయ్ బిర్యానీ’ చిత్రంతో తెలుగు ఇండస్ట్రీలోకి ఎంట్రీ ఇచ్చింది. ఆ మూవీతో ఈమె నటిగా మంచి గుర్తింపు పొందింది కానీ.. చెప్పుకోదగ్గ మూవీ ఆఫర్లు మాత్రం రాలేదు. చివరగా ఈమె ‘పిల్లా జమీందార్’ చిత్రంలో సెకండ్ హీరోయిన్’గా నటించింది. అంతే! ఆ తర్వాత తెలుగులో ఒక్క సినిమా చేయలేదు. అయితే.. తమిళంలో మాత్రం వరుసగా చిత్రాలు చేసుకుంటూ ఫుల్ బిజీ అయిపోయింది. ఎంతోమంది స్టార్ హీరోయిన్లు వున్నప్పటికీ.. వారందరికీ ధీటుగా పోటీ ఇస్తూ ఈమె దూసుకుపోతోంది. ఈ ఏడాదిలోనే ఈమె చేతిలో నాలుగైదు మూవీలు వున్నాయి. మరిన్ని మూవీ ఆఫర్లతో దర్శకనిర్మాతలు క్యూలో నిలబడ్డారని సమాచారం!

ఇదిలావుండగా.. ప్రస్తుతం ఈమె హీరో సూర్యా 2డీ ఎంటర్ టైన్ మెంట్ పతాకంపై నిర్మిస్తున్న ‘హైకు’ అనే చిత్రంలో నటిస్తోంది. ఇందులో సూర్య, అమలాపాల్ అతిథి పాత్రల్లో తళుక్కుమనబోతున్నారు. ఈ మూవీలో ఇద్దరు పిల్లలే ప్రధాన పాత్రధారులు. వారిద్దరి మధ్య నడిచే కథాచిత్రంలో బిందుమాధవి కీలకపాత్ర పోషించనుంది. ఈ చిత్రం షూటింగ్ శరవేగంగా జరుగుతోంది. ఇక ఈ మూవీతోపాటు మరో నాలుగు సినిమాల షూటింగులతో బిజీగా వుంది. ఏదైతేనేం.. మొత్తానికి ఈ అమ్మడికి తెలుగులో కాకపోయిన తమిళ తంబీల ఇంట బాగానే పంట పండిందని విశ్లేషకుల అభిప్రాయం!

AS