అఖిల్ భామకు నాగ్ షరతుల కాంట్రాక్ట్...

Posted: 02/12/2015 10:42 AM IST

అక్కినేని కుటుంబం నుంచి మరో వారసుడైన అక్కినేని అఖిల్ తెరంగేట్రం చేయడానికి సిద్ధంగా వున్న విషయం తెలిసిందే! ఇటీవలే ఇతని మూవీ ముహూర్తం కూడా జరిగిపోయింది. ఇక ఈ చిత్రంలో దిలీప్ కుమార్-సైరాబానుల మనవరాలు సాయేశా సైగల్ హీరోయిన్’గా ఎంపికైన సంగతి విదితమే! అఖిల్ మూవీతో ఎంట్రీ ఇష్తున్న ఈ భామతో నాగార్జున కొన్ని షరుతులతో కూడిన కాంట్రాక్ట్ తీసుకున్నట్లు సమాచారం! ఇప్పుడదే టాక్ ఆఫ్ ది టౌన్’గా నిలిచింది.

నిజానికి ముంబై నుంచి టాలీవుడ్’కి ఇంపోర్ట్ అయిన భామలు కాస్త తమ పొగరును ప్రదర్శిస్తుంటారు. వారికి బాలీవుడ్’లో ఏమాత్రం ఇమేజ్ లేకపోయినప్పటికీ ఇక్కడ మాత్రం ఓవర్’గా వ్యవహరిస్తారు. అదేలాఅంటే.. ఏదైనా మూవీ షూటింగ్ జరుగుతున్నంతవరకు అణిగిమణిగి వుండే బాలీవుడ్ భామలు.. ఆ మూవీ ప్రమోషన్లకి, ఆడియో ఫంక్షన్ కార్యక్రమాలకు డుమ్మా కొట్టేస్తుంటారు. పైగా.. మధ్యలో వచ్చే ఆఫర్లను ఒప్పుకుంటూ డేట్స్ విషయంలో ప్రాబ్లమ్స్ క్రియేట్ చేస్తుంటారు. ఒక మూవీ పూర్తికాకముందే మరో మూవీకి సైన్ చేసి ఆ మూవీ యూనిట్’ని ఇబ్బంది పెడుతుంటారు. ఇటువంటి సంఘటనలు ఇప్పటికే చాలా జరిగాయి కూడా!

ఇటువంటి విషయాలనే నాగార్జున దృష్టిలో పెట్టుకుని సాయేశాతో షరతుల కాంట్రాక్ట్ తీసుకున్నట్లు సమాచారం! ఆ షరతులు ఏమిటంటే.. అఖిల్ సినిమా పూర్తయ్యేవరకు దక్షిణాది భాషల్లో మరే మూవీలో నటించకూడదని, సినిమా ప్రమోషన్’కి అడిగిన డేట్స్ కేటాయించి యూనిట్’తోనే వుండాలని ఆయన ఆమెకు షరతులు పెట్టినట్లు తెలుస్తోంది. ఇందుకు ఆమె ఓకే అన్నట్లు కూడా ఇండస్ట్రీ వర్గాలు పేర్కొంటున్నాయి. తన తనయుడి మొదటి సినిమా కాబట్టి.. ఎటువంటి ఇబ్బందులు రాకూడదనే భావనతో ఈమెతో ఇలా కాంట్రాక్ట్ తీసుకోవాల్సి వచ్చిందని యూనిట్ వర్గాలు పేర్కొంటున్నాయి.

AS