చివరికీ దీపికా కూడా ఆ జాబితాలో చేరింది...?

Posted: 02/11/2015 12:09 PM IST

Deepika padukone tamasha movie special song ranbir kapoor ar rahman director imthiyaz ali

ఇటీవలె కాలంలో స్టార్ హీదాలో వున్న హీరోహీరోయిన్లందరూ తమనుతాము మరింతగా ప్రచారం చేసుకోవడం కోసం సరికొత్త పుంతలు తొక్కుతున్నారు. కొత్తతరహా సబ్జెక్టులను ఎంచుకోవడం, రియల్ స్టంట్స్ చేయడం, బాడీ లాంగ్వేజ్ మార్చుకోవడం, పాటలు పాడటం.. ఇలా రకరకాల రంగాల్లోనూ పాలుపంచుకుంటున్నారు. అంటే.. కేవలం నటనకు మాత్రమే ఫిక్సయిపోకుండా ఇతరత్ర విభాగాల్లోనూ తమ టాలెంట్’ను నిరూపించుకుంటున్నారు. తద్వారా వారి ఇమేజ్ మరింతగా పెరుగుతుందన్న ఉద్దేశంతోనే ఇలా చేస్తున్నారని అనడంలో ఎటువంటి అనుమానం లేదు. ఎందుకంటే.. కాలక్రమంలో ఇండస్ట్రీలోనూ పోటీలు ఎక్కువగా పెరుగుతున్న నేపథ్యంలో స్టార్ తారలు సైతం ఇలా చేయక తప్పదు మరీ!

ఇక మేటర్’లోకి వస్తే.. బాలీవుడ్ బాక్సాఫీస్ దగ్గర రికార్డుల మోత మోగిస్తున్న సల్మాన్ ఖాన్ సింగింగ్ రంగంలో అడుగు వేసిన సంగతి తెలిసిందే! ఇక తన అందచందాలతో యువకుల్ని కట్టిపడేసిన ఆలియా కూడా మైకు పట్టేసుకుంది. వీరిలాగే శ్రద్ధాకపూర్, ప్రియాంకచోప్రా కూడా బాడీ లాంగ్వేజ్’తోపాటు తమ స్వరబాణీలతో ప్రేక్షకుల్ని మైమరిపిస్తున్నారు. ఇప్పుడు దీపికా పడుకునే కూడా ఈ జాబితాలో చేరిపోయిందన్నమాట! అథ్లెటిక్స్ రంగంలో తన ప్రతిభను చాటునుకున్న దీపికా... ఇండస్ట్రీలోకి ఎంట్రీ ఇచ్చిన తర్వాత వరుస విజయాలతో స్టార్ హీరోయిన్’గా ముద్ర వేసుకుని నటనలో తనేంటో నిరూపించుకుంది. ఇప్పుడు గాయనిగా తన టాలెంట్’ను ప్రదర్శించేందుకు సన్నద్ధమవుతోంది.

మాజీ ప్రేమికుడైన రణబీర్ కపూర్’తో కలిసి దీపికా పడుకునే ‘తమాషా’ అనే చిత్రంలో నటిస్తోంది. ఈ చిత్రంలోనే ఈ అమ్మడు ఓ పాట పాడనున్నట్లు సమాచారం! దర్శకుడు ఇంతియాజ్ అలీ రూపొందిస్తున్న ఈ మూవీకి ఏఆర్ రెహ్మాన్ సంగీతం అందిస్తున్నాడు. వీరిద్దరి కలయికలో ఇదివరకే వచ్చిన ‘జబ్ వి మెట్’, ‘రాక్ స్టార్’, ‘హైవే’ మూవీలు మ్యూజిక్ పరంగా సక్సెస్ అయ్యాయి. అంతేకాదు.. ‘హైవే’ చిత్రంతో ఆలియాభట్’కు గాయనిగా పరిచయం చేసిన రెహ్మాన్.. ఇప్పుడు దీపికాకు కూడా అవకాశం ఇచ్చేందుకు ఓకే చెప్పాడట! అలా ఆ విధంగా దీపికా కూడా త్వరలోనే తన మధురస్వరాన్ని వినిపించేందుకు సిద్ధమవుతోందని ఆ మూవీ యూనిట్ బృందం వెల్లడిస్తోంది.