బాప్ ఏక్ నంబర్.., బేటా దస్ నంబర్

Posted: 10/09/2014 01:24 PM IST

రాజకీయాలకు పరిమితం అయిన వారసత్వాలు సినిమాలకు కూడా అలవాటుపడ్డాయి అని అంతా అనుకుంటున్నారు. రెండు నుంచి మూడు తరాల వారు తెలుగు సినిమా ఇండస్ర్టీలో ఎంతో మంది ఉన్నారు. ఒక్క తెలుగుకు ఏమిటి మొత్తం సినిమా ఇండస్ర్టీలో ఇలాంటి హవా కొనసాగుతోంది. చిన్నప్పటి నుంచే సినిమాల్లో కన్పిస్తూ భవిష్యత్తులో తామే హీరోలము అని ముందే బెర్త్ కన్ఫర్మ్ చేసుకుంటున్నారు. ఇప్పుడిదే కోవలో డైరెక్టర్ పూరి కొడుకు కూడా వచ్చేస్తున్నాడట. పూరి కొడుకు ‘ఆకాశ్’ త్వరలోనే సినిమా అరంగేట్రం చేస్తాడని ఫిలింనగర్ లో టాక్ వస్తోంది.

అదేంటి అబ్బాయి ఇప్పటికే సినిమాల్లో కన్పించాడు కదా మళ్లీ అరంగేట్రం.., తెరంగేట్రం ఏమిటి అనుకుంటున్నారా... అప్పుడప్పుడూ చిన్నప్పటి హీరోలా కొన్ని సినిమాల్లో కన్పించిన ‘ఆకాశ్’ ఇప్పుడు పూర్తిగా హీరోగా ఎంట్రి ఇస్తున్నాడన్నమాట. ఇందుకోసం సినిమాను కూడా అప్పుడే ఎంపిక చేశారట. మరాఠీలో హిట్ అయిన ‘టైం పాస్’ సినిమాను తెలుగులో రీమేక్ చేస్తున్నారు. ఇందులో ఆకాశ్ హీరోగా ఎంట్రీ ఇస్తున్నాడట. ఫేమస్ డైరెక్టర్ అబ్బాయి సినిమాకు అంతా పెద్దవారే అండగా ఉన్నారు. ‘రిషి’ అనే సినిమాను డైరెక్ట్ చేసిన రాజ్ మదిరాజు ఈ మూవీని తెలుగులో తెరకు ఎక్కిస్తున్నాడు. ఇక రమేష్ ప్రసాద్ ( నాటి తరం ప్రముఖ దర్శకుడు ఎల్వీ ప్రసాద్ కుమారుడు, ప్రసాద్ మల్టి ప్లెక్స్, ప్రసాద్ ల్యాబ్స్ యజమాని) ఆకాశ్ తొలి సినిమాకు నిర్మాతగా వ్యవహరిస్తున్నారు.

గతంలో రమేష్-రాజ్ కాంబినేషన్ లోనే ‘రిషి’ సినిమా వచ్చింది. మళ్ళీ వీరిద్దరూ ఇప్పుడు ఆకాశ్ కోసం కలుసి సినమాను తీస్తున్నారు. సో మన తెలుగు తెరకు మరో కొత్త స్టార్ వెలుగు త్వరలోనే అందుతుంది. డైరెక్టర్ కొడుకు కావటం వల్ల ఆకాశ్ సినిమాలపై అంచనాలు మామూలుగా ఉండవని ఇప్పుడే చెప్పగలము. వాటిని నిలబెట్టుకుంటూ.. ఇండస్ర్టీలో సవాళ్లను ఎదుర్కుంటూ ముందుకు వెళ్లగలగటం ఆకాశ్ ముందున్న సవాల్. దీనికి తండ్రి సహకారం.., దర్శకత్వం అందిస్తాడనుకోండి. మనమైతే యంగ్ హీరోకు ఆల్ ది బెస్ట్ చెప్పేద్దాం.

కార్తిక్