మొగలిరేకులు ఫేం కరుణతో

Posted: 05/15/2013 05:34 PM IST

'బాలభవన్ ' నుండి 'బుల్లితెర ' వరకు కరుణ ప్రయాణం ...

యావత్ టెలివిషన్ సీరియల్స్ అభిమానులనే ఉర్రూతలూగిస్తున్న సీరియల్ , శ్రీకాంత్ ప్రొడక్షన్స్ వారు అందించే 'మొగలిరేకులు' . ప్రతీ రోజు రాత్రి 8.30 కి జెమినీ టీవీలో ప్రసారమయ్యే ఈ సీరియల్ లో హీరోతో సమానంగా ప్రేక్షకులని ఆకట్టుకున్తున్నది , హీరోయిన్ 'దేవి' ... ఇంతకుముందు ఈ పాత్రని ఇంకో ప్రముఖ నటి లిఖితా కామినీ పోషించారు ... కొన్ని అనివార్యకారణాల వల్ల ఈమను తప్పించి నటి కరుణని 'దేవి' పాత్రలో నటింపచేస్తున్నాం అని ఒకానొక రోజు ఈ సీరియల్ మొదలవ్వగానే వచ్చిన స్క్రోలింగ్ చూసిన ప్రేక్షకులు , నిరుత్సాహానికి గురయ్యారు . అయితే , ఆనతి కాలం లోనే తన నటనతో , పాత్రని అద్భుతంగా ఓన్ చేసుకుని 'దేవి' గా అందరి మన్ననలు పొందుతున్నారు కరుణ ... తన మనసులో భావాలని కరుణ పంచుకున్నారు ;

'దేవి' గా నటించడానికి ...

కాస్త కష్టపడాల్సి వచ్చింది . ఇంతకుముందు 'దేవి' గా నటించిన 'లిఖిత' ని ప్రేక్షకులు స్వీకరించారు . ఇటువంటి సమయం లో నేను ఆ పాత్రలో 'లిఖిత' ను రీప్లేస్ చెయ్యాలంటే , ఎంతో చాలెంజింగ్ గా భయంగా కూడా అనిపించింది . నాకు సీరియల్స్ చూసే అలవాటు లేనందువల్ల , నెట్ లో ఇంతకుమునుపు ఎపిసోడ్స్ చూసి , 'దేవి' పాత్రని అబ్జర్వ్ చేసి , ఓన్ చేసుకుని నటించడం ప్రారంభించాను . ఆనతి కాలం లోనే ప్రేక్షకులు నన్ను 'దేవి ' గా యాక్సెప్ట్ చెయ్యడం చాల ఆనందంగా ఉంది . కరుణ గా నేను అందరికీ సుపరిచితం అయినా , 'దేవి' అని అందరు నన్ను గుర్తుపడుతుంటే , నిజంగా చాలా ఆనందంగా ఉంది . ఇంతటి పేరున్న సీరియల్ లో హీరోయిన్ పాత్ర పోషించడం నిజంగా అదృష్టంగా భావిస్తున్నాను .

అసలు 'దేవి' ఎలా అయ్యాను అంటే ...

జీ తెలుగు లో ప్రసారం అయ్యే '-పసుపు  కుంకుమ' సీరియల్ లో నర్మదా పాత్రలో నటిస్తున్నప్పుడు  ఈ సీరియల్ టీం తో కలిసి ఒక గేమ్ షో లో పాల్గోన్నాను . అప్పుడే 'మొగలిరేకులు ' ,దర్శకురాలు  మంజు మేమ్ నన్ను చూసారు . ఆ తరువాత  నా తోటి నటి , స్నేహితురాలు అంజు ని 'అగ్ని పూలు సీరియల్ షూటింగ్ లో కలవడానికి వెళ్ళినప్పుడు ' దేవి ' గా నటిస్తావా ? అని మంజు మేమ్ అడగటంతో 'దేవి' నయ్యాను . తరువాత డేట్స్ కుదరకపోవడం తో 'పసుపు - కుంకుమ' మానేయ్యవలసి వచ్చింది .

కుటుంబం , షూటింగ్ లు ఎలా సాధ్యం అంటే ...

ఇది మాత్రం నా అదృష్టం ... మా వారు యాడ్ ఫిలిం మేకర్ ... తను నాకు కావలసినంత స్వేచ్చ , సహకారం అందిస్తారు ... ఇక మాకో బాబు , నేను షూటింగ్ అంటూ వచ్చేసిన తరువాత , సాయంత్రం ఇంటికి తిరిగి వెళ్ళేంతవరకు , వాడి ఆలనా - పాలనా మా అత్తమ్మ , ఆడపడుచే చూసుకుంటారు . అయినా , జీవితాంతం నటిగా కొనసాగాలన్న ఆలోచన లేదు . అనుకోకుండా , సమ్మర్ క్యాంప్ లో పాల్గొనడానికి వెళ్ళినప్పుడు సినిమా వాళ్ల ఆడిషన్స్ లో నటిగా మారాను . 'శంకర్ దాదా M.B.B.S.' వంటి చిత్రాలలో హేమా హేమీల తో కలసి నటించే అవకాసం పొందాను . తరువాత 'యువ' సీరియల్ తో బుల్లితెరకు పరిచయం అయ్యాను , ఇప్పుడు 'మొగలిరేకులు' సీరియల్ లో హీరోయిన్ పాత్రను పోషిస్తున్నాను . కొంత కాలం తరువాత , నా వాళ్ళను చూసుకుంటూ గ్రుహిణిగానే కొనసాగుతాను . నటించినంత కాలం మాత్రం మంచి పాత్రలు పోషించాలన్నదే నా ఆలోచన .

తన మనసులో మాటను పంచుకున్న కరుణ , తానూ ఆశించిన విధంగానే మరిన్ని మంచి పాత్రలు పోషించి , బుల్లితెర ప్రేక్షకులకు మరింత చేరువవ్వాలని ఆశిద్దాం .