మూడొచ్చింది.. మూడు కావాలంటోంది!

Posted: 03/20/2015 12:18 PM IST

Nayanatara demanding 3 crores remuneration kollywood gossips

మూడుపదుల ముద్దుగుమ్మ నయనతార ప్రస్తుతం తమిళంలో ఫుల్ బిజీ హీరోయిన్ గా మారిపోయింది. పెద్దహీరోల నుంచి చిన్నహీరోల వరకు అందరితోనూ జతకడుతూ సక్సెస్ ఫుల్ గా ముందుకు దూసుకెళుతోంది. ఇండస్ట్రీలో కొత్తతారల హవా కొనసాగుతున్నప్పటికీ.. ఈమె సక్సెస్ ధాటిముందు వాళ్లు నిలబడలేకపోతున్నారు. దీంతో దర్శకనిర్మాతలందరూ ఈమెనే తమ సినిమాల్లో తీసుకునేందుకు ఆసక్తి చూపుతున్నారు. బహుశా ఇదే మంచి సమయమని భావించిందేమో.. అమ్మడు వారిని తన డిమాండ్ తో తంటాలు పెడుతోందని వార్తలొస్తున్నాయి.

సెకండ్ ఇన్నింగ్స్ లో వరుస విజయాలతో దూసుకుపోతున్న నయనతార డేట్స్ కోసం ఎందరో దర్శకనిర్మాతలు ఆమె గుమ్మం ముందు వాలిపోతున్నారు. అయితే.. ఈమె మాత్రం ముందుగా పారితోషికం గురించే మాట్లాడుతోందట! తనకు మూడుకోట్లు సమర్పించుకుంటే ఎవరితోనైనా నటించడానికి అభ్యంతరం లేదని ఖరాఖండీగా ఈ అమ్మడు చెబుతున్నట్లు కోలీవుడ్ లో ప్రచారం జరుగుతోంది. అందుకే.. చిన్నహీరోలతోనూ ఎక్కువ మూవీలు చేస్తోందని చెప్పుకుంటున్నారు. అంతా బాగానే వుంది కానీ.. మరీ మూడు కోట్లు డిమాండ్ చేయడం ఆలోచించాల్సిన విషయమేనని అనుకుంటున్నారు.

అయితే.. నయనకు సినిమాల నుంచి గుడ్ బై చెప్పే సమయం దగ్గరపడుతున్నందున ఇప్పుడే నాలుగురాళ్లు వెనక్కు వేసుకుంటే మంచిదన్న ఉద్దేశంతో అలా 3 కోట్లు డిమాండ్ చేస్తోందని అంటున్నారు. మరి.. ఇంత పారితోషికం ఇచ్చేందుకు నిర్మాతలు ఓకే అంటారో..? లేదో..? చూడాల్సిందే! అన్నట్టు.. ప్రస్తుతం ఈ భామ తమిళంలో అరడజనుకుపైగా సినిమాలతో బిజీగా వుంది.