మనసును సంతృప్తి పరుచుకుంటున్న దీపికా...?

Posted: 02/21/2015 04:17 PM IST

Deepika padukone nana patekar latest movie updates bollywood gossips

గతకొన్నాళ్ల నుంచి వరుస విజయాలతో దూసుకుపోతున్న బాలీవుడ్ స్టార్ హీరోయిన్ దీపికా పడుకునే.. ఇప్పుడు తన మనసును సంతృప్తి పరుచుకునే పనిలో నిమగ్నమైంది. చాలాకాలం నుంచి తన మనసులో దాచుకున్న కోరికను తీర్చుకునే ప్రయత్నాల్లో మునిగింది. అందుకే.. ఈమధ్య కాస్త డిఫరెంట్ గా, సంతోషంగా కనిపిస్తోంది. ఈమె ఇంతగా ఆనందంగా వుండటానికి గల కారణాలేంటోనని సందేహం వ్యక్తం చేస్తున్నారా..? అది తెలియాలంటే మేటర్ లోకి వెళ్లాల్సిందే!

ఇప్పటివరకు దీపికా గ్లామర్ ఒలకబోస్తూ, కమర్షియల్ సినిమాలే ఎక్కువగా చేసింది! అలాంటి సినిమాలు రెగ్యులర్ గా చేయడంతో ఆమెకు విసుగొచ్చేసిందట! అందుకే.. మనసుకు సంతృప్తినిచ్చే మంచి సినిమా చేయాలని డిసైడ్ అయ్యింది. సరిగ్గా ఇదే సమయంలో ప్రముఖ నటుడు నానాపటేకర్ దర్శకుడిగా మారి... ఓ లేడి ఓరియెంటెడ్ చిత్రాన్ని రూపొందించేందుకు సన్నాహాలు ప్రారంభించారు. ఈ విషయం తెలుసుకున్న దీపికా.. వెంటనే ఆయన్ను కలిసిందట! అలా కలిసిన వెంటనే తనకు కథానాయిక ప్రధాన కథాచిత్రాన్ని నటించాలన్న కోరికను ఆయనకు తెలియజేసింది.

అంతే! నానా పటేకర్ కూడా ఫీలయి.. అమ్మడికి కథ వినిపించాడు. అతను వినిపించిన కథకు మెస్మరైజ్ అయిన దీపికా.. ఆ చిత్రంలో నటించేందుకు గ్రీన్ సిగ్నల్ కూడా ఇచ్చేసిందట! దాంతో ఆ మూవీ నిర్మాణ కార్యక్రమాలు మొదలుపెట్టేశారు. త్వరలోనే సెట్స్ పైకి తీసుకెళ్లేందుకు సన్నాహాలు చేస్తున్నారని బాలీవుడ్ సమాచారం!