మోసపోయిన కాజల్.. సెటిల్’మెంట్ కుదరలేదట!

Posted: 01/09/2015 10:52 AM IST

Kajal agarwal hyderabad city shopping mall opening controversy

టాలీవుడ్ అగ్రహీరోయిన్ కాజల్ అగర్వాల్ ఒకరి చేతుల్లో నిండా మోసపోయిందని ఆవేదన వ్యక్తం చేస్తోంది. ఊహలపల్లకిలో తనకు ఎన్నో కలలను చూపించి-ఊరించి.. చివరి నిముషంలో వాటిని పటాపంచలు చేశారని ఈ అమ్మడు వాపోతోంది. ఇదివరకెన్నడూలేని తీవ్ర పరాభావాన్ని తాను ఎదుర్కొన్నట్లు ఆమె గోడును వెల్లబోసుకుంటోంది. తనకు జరిగిన అన్యాయాన్ని ఎట్టి పరిస్థితుల్లోనూ సహించేదిలేదని.. తనకు న్యాయం జరిగేంతవరకు పోరాడుతానని గట్టి నిర్ణయం తీసుకున్నట్లు చెబుతోంది.

అసలు విషయం ఏమిటంటే.. ఇటీవల హైదరాబాద్’లో ప్రారంభోత్సవం జరుపుకున్న ఓ షాపింగ్’మాల్’పై ఈ అమ్మడు తీవ్ర ఆగ్రహాన్ని వ్యక్తం చేస్తోంది. ఆ షాపింగ్ మాల్ ఇంకా ఓపినింగ్ కాకముందు సదరు యాజమాన్యం సిటీలో తమ బ్రాండ్ అంబాసిడర్’గా కాజల్’ని ఎంపిక చేసుకున్నట్లు కొన్ని హోర్డింగులను సైతం ఏర్పాటు చేసుకుందట! కానీ.. చివరి నిముషంలో ఆ యాజమాన్యం మరో హీరోయిన్ చేత ఓపెనింగ్ చేయించిందని ఈ అమ్మడు వెల్లడిస్తోంది. దీంతో తన అనుమతి లేకుండానే తన పేరును వాడుకున్న సదరు షాపింగ్ మాల్ యాజమన్యంపై పోలీసులకు ఫిర్యాదు చేసేందుకు కాజల్ రెడీగా వుందని సన్నిహితవర్గాలు చెప్పుకుంటున్నాయి.

ఇదిలావుండగా.. ఈ వ్యవహారంపై యాజమాన్యం కథనం వేరేలా వుంది. మొదట షాపింగ్ మాల్ ఓపెనింగ్ తాను వస్తానని కాజల్ ఒప్పందం కుదుర్చుకుందని.. కానీ ఆమె పారితోషికం విషయంలో భారీగా డిమాండ్ చేయడంతోనే చివరి నిముషంలో తమ నిర్ణయాన్ని మార్చుకోవలసి వచ్చిందని.. అందుకే ఆమె స్థానంలో మరో హీరోయిన్ ప్రచారకర్తగా ఎన్నుకోవాల్సి వచ్చిందని వాళ్లు అంటున్నారు. దీంతో ఇప్పుడు ఈ వ్యవహారం హాట్ టాపిగ్’గా మారింది. అటు సదరు షాపింగ్ మాల్ యాజమాన్యం కాజల్ గుర్రుగా వుండగా.. వాళ్లు తమదైన రీతిలో ఆమెకు జవాబు చెప్పడానికి సిద్ధంగా వున్నారని సమాచారం. చివరికి ఇందులో ఎవరు గెలుస్తారో వేచిచూడాల్సిందే!