బండ్ల గణేషా.., మజాకా !

Posted: 09/25/2014 07:02 PM IST

బండ్ల గణేష్ అన్న మాట చేస్తానని మరోసారి నిరూపించుకున్నాడు. రామ్ చరణ్ కొత్త సినిమా ‘గోవిందుడు అందరివాడేలే’ విడుదలపై నెలకొన్న ఊహాగానాలకు మరోసారి తెరదించారు. సినిమా ఎట్టి పరిస్థితుల్లోనూ అక్టోబర్ 1న విడుదల అవుతుందని చెప్పిన గణేష్.., అన్నంత పనీ చేశారు.  సినిమా విడుదలను యూనిట్ వర్గాలు ప్రకటించాయి. అక్టోబర్ 1న ఉదయం గం.5-18ని.లకు మొదటి ఆట అని సినిమా యూనిట్ వర్గాలు పోస్టర్ ఒకటి విడుదల అవుతున్నాయి. అయితే ఈ పోస్టర్లపై సినిమా యూనిట్ వర్గాలు తమవిగా చెప్పుకోవటం లేదు. కాని వారిచ్చిన సమాచారంతోనే పోస్టర్లు వస్తున్నట్లు తెలుస్తోంది.

ఉదయం గం.5-18ని. అంటే బెనిఫిట్ షో తో రెండు తెలుగు రాష్ర్టాల్లో సినిమా విడుదల కానుంది. ఈ మేరకు ఈస్ట్, వెస్ట్ లలో ఇప్పటికే పోస్టర్లు వెలిశాయి. సినిమా విడుదల తేదీనే కాదు.., టైం ను కూడా గణేష్ ప్రకటించాడు అనుకుంటున్నారు. సినిమా కధ మార్చి రాయటంతో పాటు.., షూటింగ్ ఆలస్యం, సెట్టింగులు ఇతర కారణాల వల్ల సినిమా విడుదల ఆలస్యం అవుతుందని గుసగుసలు వచ్చాయి. అయితే వీటన్నిటినీ తోసిపుచ్చుతూ సినిమా ఖచ్చితంగా అక్టోబర్ 1నే విడుదల అని గణేష్ తాజాగా కూడా ప్రకటించారు. ఆ మేరకు ఫ్యాన్స్ ముహూర్తం ఖరారు చేసి పోస్టర్లు వేసుకుంటున్నారు.

రామ్ చరణ్ హీరోగా వస్తున్న ఈ సినిమాలో కాజల్ అగర్వాల్ నటిస్తోంది. క్రియేటివ్ డైరెక్టర్ కృష్ణవంశీ ఈ సినిమాకు దర్శకుడుగా వ్యవహరిస్తున్నారు. యువన్ శంకర్ రాజా సంగీతం అందిస్తుండగా.., బండ్ల గణేష్ నిర్మాతగా ఉన్నారు. ఈ మద్యే విడుదల అయిన సినిమా పాటలకు మంచి టాక్ వచ్చింది. దసరా సెలవుల సమయంలో సినిమా విడుదలకు ముహూర్తం పెట్టడంతో పండగ సమయంలో కలెక్షన్లు బాగా వస్తాయని భావిస్తున్నారు. అందుకే గడువు పొడగించే ప్రసక్తే లేదని ఫ్యాన్స్ కు రెండ్రోజులు మందుగానే దసరాను తీసుకొస్తున్నారు.

 

కార్తిక్