ప్రేమలో పడిన క్రికెటర్ ఖాన్ భార్య!

Posted: 03/26/2014 10:47 AM IST

ప్రేమ ఎప్పుడు ఎవరిలో పుడుతుందో  చెప్పటం చాలా కష్టం.  ప్రేమకు వయసు నిమిత్తం లేదు, ఆడ మగ అయితే చాలు  ప్రేమ పుడుతుంది.  అలాంటి ప్రేమ ముదురు వయసులో పుడితే ఎలా ఉంటుందో తెలుసుకోవాలంటే ,  మన  పక్క దేశం (శత్రువు) దాయాదులు అయిన పాకిస్థాన్ లో జరిగింది.  పాకిస్థాన్ లో  సామాన్య వ్యక్తి ప్రేమలో పడితే ఏముంటుంది చెప్పండి.. పాకిస్థాన్  స్టార్  మాజీ క్రికెటర్ ఇమ్రాన్ ఖాన్  భార్య  ప్రేమలో పడింది. 

తెహ్రీక్ ఎ ఇన్సాఫ్ పార్టీ అధినేత ఇమ్రాన్ ఖాన్ మాజీ భార్య జెమీమా ఖాన్ లేటు వయస్సులో ఘాటు ప్రేమలో పడింది. బ్రిటన్‌లో ఉద్యమకారిణిగా మంచి గుర్తింపు పొందిన జెమీమా... ఇమ్రాన్ ఖాన్‌ను ప్రేమించి పెళ్లి చేసుకుంది. ఆ తర్వాత ఆయన కోసం బ్రిటన్ వదిలి పాకిస్థాన్ వచ్చి స్థిరపడింది. ఇద్దరు పిల్లలకు తల్లి అయిన తర్వాత ఇమ్రాన్ ఖాన్‌తో తెగతెంపులు చేసుకుని తిరిగి స్వదేశానికి వెళ్లిపోయింది. 

ఇప్పుడు జెమీమా బ్రిటిష్ కమెడియన్ రస్సెల్ బ్రాండ్‌తో పీకల్లోతు ప్రేమలో మునిగిపోయినట్టు సమాచారం. బ్రిటన్‌లో ఎక్కడ చూసినా వీరే కనిపిస్తున్నారని, ఏ పత్రికా చూసినా వీరి గురించిన కథనాలే ఉన్నట్టు వార్తలు. రస్సెల్ బ్రాండ్ హాలీవుడ్ నటి కేట్ పెర్రీ మాజీ ప్రియుడు. ఈ మధ్యే వారికి కటీఫ్ అయింది. దీంతో ఆయన జెమీమా ప్రేమలో పడిపోయారు. ప్రేమ జోలికి వెళ్లితే  పెద్ద, చిన్న అనే బేధం ఉండదు. ఎవరైన  ప్రేమలో మునిగిపోవాల్సిందే. 

ఆర్ఎస్