కోరిక తీర్చుకుంటున్న అనుష్క?

Posted: 02/07/2014 01:55 PM IST

టాలీవుడ్ లో అందాల బొమ్మలి అనుష్క.. తన కోరిక త్వరలో తీర్చుకోబోతుంది.  వెండితెరకు పరిచయం అయిన నాటి నుండి   ఇప్పటి వరకు  అనుష్క కోరిక తీరలేదట. ఆ కోరిక త్వరలో తీరబోతుందని అనుష్క ఆనందంగా చెబుతుంది.   వెండితెరపై అనుష్క విభిన్న కోణాల్లో.. తన టాలెంట్ చూపించి అభిమానులను సంపాదించుకుంది. అయితే  లేడీ ఒరియెంటెడ్ పాత్రలతో.. బాగా గుర్తింపు తెచ్చుకుంది అనుష్క.  ఇప్పుడు  అనుష్క చేతిలో  ‘రుద్రమదేవి’, బాహుబలి లాంటి భారీ బడ్జెట్  సినిమాలు ఉన్న విషయం తెలిసిందే. అయితే  అనుష్కకు అనుకోకుండా మరో ఆఫర్ రావటం జరిగింది. ఈ ఆఫర్ అనుష్క డ్రీమ్ రోల్ కు దగ్గర ఉందట. అందుకే తన కోరిక తీర్చుకోవటానికి ఇదే మంచి అవకాశంగా భావించి.. వెంటనే ఒప్పుకున్నట్లు సమాచారం. 

అయితే ఇంతకీ అనుష్క కోరిక ఏమిటో తెలుసా?  అనుష్క కు చాలా కాలం నుంచి  ఆ కోరిక ఉందట. అంటే  ఏదైన సినిమాలో  ఓ పోలీస్ పాత్ర చేయాలనే కోరిక బలంగా ఉండేదట. అది ఇన్నాళ్లకు తీరబోతుందని అనుష్క ఆనందంగా చెబుతుంది.  అయితే లేటెస్ట్ గా కోలీవుడ్ లో అజిత్ హీరోగా గౌతమ్ మీనన్ డైరెక్ట్ చేసే సినిమాలో అనుష్క పోలీస్ పాత్రలో నటించబోతుందట. ఈ విషయాన్ని దర్శకుడు రీసెంట్ గా చెప్పడంతో ఈ స్వీటి హ్యాపీగా ఫీలవుతోంది. దర్శకుడు గౌతమ్ కూడా హీరోయిన్లను ఇంకా అందంగా చూపుతాడు కాబట్టి, త్వరలోనే అందమైన పోలీస్ గా అనుష్కను చూస్తామన్నమాట. ఏదేమైనా పర్ఫెక్ట్ ఫిజిక్ ఉన్న అనుష్కను పోలీస్ పాత్రలో నటిస్తుందంటే అభిమానులకు పండగనే చెప్పవచ్చు. 

అలాగే  పోలీస్ పాత్రలో నటించిన  ఏ హీరోయిన్ తరువాత వెండితెరపై కనిపించిన ఛాయలు లేవని అనుష్క అభిమానులు గుర్తు చేస్తున్నారు. గతంలో  విజయశాంతి నుండి.. నేటి నమిత, స్నేహ, ప్రియమణి వరకు పోలీస్ పాత్రలు వేసి..  సినిమా అవకాశాలు తగ్గి ఖాళీగా కూర్చున్న విషయం  తెలుసుకోవాలని   అభిమానులు అంటున్నారు.  అయిన అనుష్క లక్ ఎలా ఉందో. చూద్దాం.

 

-ఆర్ఎస్