సమీరా పెళ్ళి వెనక అసలు నిజం

Posted: 01/27/2014 01:16 PM IST

Sameera reddy speaks on her early marriage

బాలీవుడ్, టాలీవుడ్ హీరోయిన్ గా తనకంటూ ఓ గుర్తింపు తెచ్చుకున్న సెక్సీ హీరోయిన్ సమీరా రెడ్డి మోటర్ సైకిళ్ళ వ్యాపారి అయిన అక్షయ్ వర్దేను ఈనెల 21వ తేదీన ఆఘమేఘాల మీద ఎవరికి ఎలాంటి సమాచారం లేకుండా చడీ చప్పుడు కాకుండా పెళ్లి తంతు ముగించిన ఈ అమ్మడు ఇలా చేయడానికి కారణం ఏమిటి ? గుట్టు చప్పుడు కాకుండా నిశ్చితార్థం చేసుకున్న ఈ అమ్మడు పెళ్లి ఏప్రిల్ లో ఉంటుందని మొదట చెప్పింది.

కానీ జనవరిలోనే చేసుకోవడంతో సినీజనాలు సమీరా ఏప్రిల్ వరకు ఆగలేక పోయిందా ? ఇన్ని సంవత్సరాలు ఆగిన ఆమె మరో మూడు నెలలు కంట్రోల్ చేసుకోలేక పోయిందా అంటూ పలు ప్రశ్నలు సంధించిన వారికి సమాధానం చెప్పుకొచ్చింది. అక్షయ్ వర్దే చెల్లెలు తమ పెళ్లి కోసం ఏప్రిల్ లో రావడం కుదరదని చెప్పడం, తమ అక్క మేఘన కూడా చిన్న పాపతో మళ్లీ రావడం చాలా కష్టం అని చెప్పడంతో ఇంత హడావుడిగా ఎవ్వరికి చెప్పకుండా చేసుకోవాల్సి వచ్చిందని వివరణ ఇచ్చుకుంది.

అయితే సినీ జనాలు మాత్రం సమీరా రెడ్డి ఏదో ఉన్న కవర్ చేయడానికే ఇలా చెబుతుందని అనుకుంటున్నారు. ఎవరితో చెప్పినా, చెప్పకపోయినా ఎలాగు పెళ్లి చేసుకుంది కాబట్టి పది కాలాల పాటు కాపురం పచ్చగా ఉంటే చాలంటున్నారు ఆమె అభిమానులు.