సంప్రదిస్తే..తప్పక ఛాన్స్ ఇస్తా?

Posted: 11/19/2013 11:10 AM IST

పెళ్లి తర్వాత స్వేచ్ఛ కోల్పోయా. పెళ్లి పెద్ద తప్పు...అని సన్నిహితుల వద్ద బావురుమని, ఆ తర్వాత విడాకులు తీసుకుని భర్త నుంచి విడిపోయింది. ప్రస్తుతం ఈ భామ స్వేచ్ఛ విహంగంలా రెక్కలు విచ్చుకుని మళ్లీ సినీ ఆరంగేట్రానికి సిద్ధమవుతోందని సమాచారం. ఇంతకీ ఈమె ఎవరు అనుకుంటున్నారా? గాయని, కథానాయిక మమతామోహన్‌ దాస్‌ ఏడాదిన్నర క్రితం పెళ్లి చేసుకున్న సంగతి తెలిసిందే.

 

ఈ ముద్దుగుమ్మ తన చిన్ననాటి స్నేహితుడు ప్రజీత్‌ పద్మనాభంను పెళ్లాడింది. అయితే ఇంతలోనే ఇద్దరిమధ్యా పొరపొచ్చాలు వచ్చాయి. విడిపోయిన విషయం తెలిసిందే. అయితే ఇప్పుడు దర్శకనిర్మాతలెవరైనా తనని సంప్రదిస్తే తప్పక ఛాన్స్ ఇస్తానని (నటిస్తానని) చెబుతోంది. అయితే పెళ్లయిన వాళ్లకు టాలీవుడ్‌లో నో ఎం ట్రీ. ఒకవేళ రూల్స్‌ బ్రేక్‌ చేసి ప్రయత్నించినా అమ్మ, అక్క, వదిన, ఆంటీ పాత్ర లే లభిస్తాయి. మరి మమత ఎలాంటి పాత్ర లకు సిద్ధంగా ఉందో స్వయం గా చెబితేనే తెలిసేది. అయిన టాలీవుడ్ రోజుకొకరు లేలేత అందాలతో సందడి చేస్తుంటే, పాత అందాల కోసం ఎవరు వెళ్లతారు అనేది విమర్శలు కూడా వినిపిస్తున్నాయి.