అనుష్క ప్రేమలో టాలీవుడ్ నిర్మాత

Posted: 10/30/2013 05:04 PM IST

సినిమా నిర్మాతలు అందాల ముద్దుగుమ్మలు అయిన హీరోయిన్లను తమ బుట్టలో వేసుకునేందుకు (అంటే తమ సినిమాల్లో నటింపజేసుకునేందుకు) నానా తంటాలు పడుతుంటారు. తమ సినిమాలో నటించే హీరో పలానా హీరోయిన్ కావాలంటే కాసిన్ని ఎక్కువ డబ్బులు ఇచ్చి అయినా పెట్టుకుంటారు. ఒకవేళ అడగ్గానే ఒప్పుకుంటే చిన్న చిన్న బహుమతులు ఇస్తారు.

కానీ టాలీవుడ్ కి చెందిన ప్రముఖ నిర్మాత బండ్ల గణేష్ మాత్రం అనుష్కకు ఎలాంటి గిఫ్టులు ఇవ్వకుండా మాటలతోనే పడేసే ప్రయత్నం చేసి, ఏకంగా ‘ఐ లవ్యూ ’ చెప్పి ఆమె పై ఉన్న ప్రేమను బహిరంగంగా చాటుకున్నాడు. ఇటీవల అనుష్క నటించిన ‘వర్ణ ’ సినిమా ఆడియో ఫంక్షన్ కి వచ్చిన బండ్ల గణేష్ మాట్లాడుతూ... అనుష్క టీవీలో కనిపించే రస్నా బేబీలా ఉంటుందని, ఆమె అంటే తనకు ఎంతో ఇష్టమని అంటూనే తాను అనుష్కను ప్రేమిస్తున్నానని చెప్పడంతో ఆఢియోకి వచ్చిన జనాల్లో ఒక్కసారిగా నవ్వులు విరిసాయి.

అయితే టాలీవుడ్ జనాలు మాత్రం బండ్ల గణేష్‌ను చూసి ‘బాహుబలి ’ తరువాత క్రేజ్ పెరిగిపోయే అనుష్క కాల్‌షీట్స్ కోసం ఇప్పటినుంచే లైన్లో పెడుతున్నాడని అనుకుంటున్నారు. మరి అనుష్కను ఏ హీరో కావాలని అడిగాడో ఏమో ? గణేష్ తియ్యని మాటలకు అనుష్క పడిపోయి కాల్షీట్లు ఇస్తుందో లేదో చూడాలి.