రొమాన్స్ సినిమాలో బూతే బూతు

Posted: 07/31/2013 04:06 PM IST

టాలీవుడ్ లోకి రీసెంట్ గా ఎంట్రీ ఇచ్చిన దర్శకుడు మారుతి అనతి కాలంలోనే సూపర్ హిట్ బూతు చిత్రాల దర్శకుడిగా పేరు తెచ్చుకున్నాడు. తాను ఇంత వరకు దర్శకత్వం వహించిన ఈరోజుల్లో, బస్ స్టాప్ లాంటి సినిమాల్లో  ద్వందార్థాలతో కూడిన బూతును తెగ పెట్టేశాడు. దీంతో అతనికి బూతు దర్శకుడు అనే పేరు వచ్చింది. అందరు బూతు దర్శకుడిగా ముద్ర వేయడంతో ఇక బూతు జోలికి వెళ్లనని, ఇక పై మంచి చిత్రాలు తీస్తానని చెప్పిన మారుతి మాట తప్పడమే కాకుండా తన బుద్ది పోనిచ్చుకోలేదని అంటున్నారు. ఆగస్టు 2న ప్రేక్షకుల ముందుకు రానున్న రొమాన్స్ పక్కా బూతు సినిమా అని అంటున్నారు. ఇటీవలే ఆ సినిమాకి సెన్సార్ కార్యక్రమాలు జరిగాయి. ఆ సినిమా చూసి సెన్సార్ బృందమే విస్తుపోయిందట. అడుగడుగునా డబల్ మీనింగ్ మాటలే ఉన్నాయట. యువతరాన్ని ఆకట్టుకోవాలంటే బూతు ఉండాల్సిందే అనుకున్నాడో ఏమో కానీ మారుతి ఈ సినిమాని కూడా వదల్లేనట్టుంది. వాస్తవానికి ఈ సినిమాకు దర్శకుడు ఆయన కాకున్నా, ఈయన కల్పించుకొని మరీ మసాలాను దట్టించాడట. దాంతో ఈ సినిమా కూడా బూతు మయం అయిపోయిందని, మరో హిట్టు బూతు సినిమా మారుతి ఖాతతాలో పడినట్లేనని అంటున్నారు.