కాల్ గర్ల్ అవతారం ఎత్తిన యాంకర్

Posted: 04/25/2013 07:31 PM IST

ఈ మధ్య కాలంలో చాలా మంది బుల్లితెర యాంకర్లు వెండి తెర పై కనిపించడానికి ఉవ్విళ్లూరుతున్నారు. గత రెండు దశాబ్దాల నుండి బుల్లితెరను తనదైన శైలిలో ఏలుతున్న ఉదయభాను ఇప్పటికే ఐటెం గర్ల్ గా పలు సినిమాల్లో నటించింది. ఇప్పుడు తాజాగా మరో బుల్లితెర యాండర్ వెండితెర పై ‘కాల్ గర్ల్ ’ అవతారం ఎత్తబోతుంది. ప్రతిరోజు మధ్యాహ్నం అతివలను వివిధ రకాల వంటల ద్వారా పలకరిస్తూ కొత్త కొత్త రుచులను పరిచయం చేసిన యాంకర్ ‘సరయూ ’ అంటే దాదాపు తెలియని వారుండరు. ఇప్పుడు ఆమె ‘మనసంతా నువ్వే ’ లాంటి మంచి ప్రేమకథా చిత్రాన్ని అందించిన వీఎన్ ఆదిత్య దర్శకత్వంలో ‘పార్క్ ’ అనే సినిమా రూపొందబోతుంది. ఈ సినిమాలో ‘సరయూ  ’ కాల్ గర్ల్ గా నటించబోతుందట. ఇప్పటికే వెండితెర పై హీరోయిన్లుగా ఓ వెలుగు వెలిగిన శ్రేయ, ఛార్మి లాంటి వాళ్లు అలాంటి పాత్రలు చేయంగా లేనిది నాకేంటి అనుకుందో ఏమో గానీ ఈ అమ్మడుకు వంటల్లో రకరకాల రుచులు బోరు కొట్టి, వెండితెర రంగుల ప్రపపంచంలో కొత్త రుచుల కోసం వెంపర్లాడే ఇలాంటి పాత్రకు ఒప్పుకుందని అనుకుంటున్నారు బుల్లితెర జనాలు.