Posted: 02/27/2013 04:28 PM IST

యధార్థ సంఘటలను ఆధారంగా క్రైమ్ స్టోరీస్ ని తెరపైకి ఎక్కించి, అనేక వివాదాల్లోకి ఎక్కిన రామ్ గోపాల్ వర్మకి ఆ సినిమాల పై బోరు కొట్టిందో లేక, ఒంటరిగా ఉండే వర్మ మనస్సు సెక్స్ వైపు మళ్లిందో లేక వైవిధ్యం ఉండాలనుకునే ఆయన సెక్స్ ని కూడా ఓ సినిమాగా తీయాలనుకున్నాడో ఏమో కానీ, తర్వలో ఓ మంచి మసాలా సెక్స్ సినిమా తీయబోతున్నాడు. మార్కెట్లో ఏ సినిమాలకు గిరాకీ ఉన్నా లేకున్నా వీటికి మాత్రం కలెక్షన్లు ఫుల్ గా వస్తాయి. సెక్స్ ని నమ్ముకొని తీసిన ఏ సినిమా కూడా నష్టపోలేదు. అసలే ఈ మధ్యన నష్టాల్లో ఉన్న వర్మ వాటిని అథికమించేందుకు ఈ సెక్స్ సూత్రాన్ని నమ్మినట్లుంది. ప్రస్తుతం 26/11 ముంబయి దాడులపై చిత్రం విడుదల, ప్రమోషన్ కార్యక్రమాల్లో బిజీగా ఉన్నాడు. ఈ సినిమా విడుదల తరువాత ఓ సెక్స్ కామిడీ చిత్రాన్ని తెరకెక్కించనున్నాడు. ఈ సినిమాలో యూనివర్సల్ సబ్జెక్ట్ సెక్స్ కనుక పిల్లాపీసును తీసేస్తే అడల్ట్ 100 పర్సెంట్ చూస్తారన్న నమ్మకంతో రాము ఉన్నట్లు సమచారం. గతంలో ఈయన తీసిన చిత్రాల్లో సెక్స్ సన్నివేశాలు డామినేట్ చేసిన సందర్భాలు ఉన్నాయి. కానీ అదే పాయింట్ ని తీసుకొని సినిమా చేయడం మొదటి సారే. మరి ఈ తరహా చిత్రాల్లో ఏ మాత్రం రాణిస్తాడో చూడాలి.