Posted: 01/30/2013 04:54 PM IST

అమలా పాల్ ఇండస్ట్రీలో ఇప్పుడిప్పుడే తన స్థానాన్ని పదిలం చేసుకుంటూ అందివచ్చిన అవకాశాలను సద్వినియోగం చేసుకుంటూ ఉంది. అయితే ఈ మధ్యన ఈమె కొన్ని పుకార్లు వస్తున్నాయి. కెరియర్ తో పాటు లవ్ ఎఫైర్ ల పై కూడా అమలా అమితంగా శ్రధ్ద చూపుతుందని అంటున్నారు. ఈమె తమిళ దర్శకుడు విజయ్ తో ప్రేమలో మునిగి తేలుతుందని ఇండస్డ్రీ వర్గాల టాక్. విజయ్‌ దర్శకత్వంలో ' దైవతిరుమగళ్‌ 'లో కనిపించిన ఆమె ప్రస్తుతం ఆయన నిర్దేశకత్వంలోనే విజయ్‌కు జంటగా ' తలైవా ' చిత్రీకరణలో తీరికలేకుండా ఉంది. దర్శకుడు విజయ్‌, అమలాపాల్‌ సన్నిహితంగా ఉన్నారని, ప్రేమలో పడ్డారంటూ ఆ మధ్య వార్తలు షికార్లు చేశాయి.

ప్రస్తుతం అమలాపాల్‌కు విజయ్ మరో అవకాశం ఇవ్వటంతో ఆ వార్తలకు మరింత బలం చేకూరింది. ఇందుకుతోడు 'తలైవా ' సెట్‌లో అమలాపాల్‌పై దర్శకుడు ప్రత్యేక శ్రద్ధ చూపుతున్నాడట. సమయానికి భోజనం సిద్ధం చేయటం, పని మనుషులతో చెప్పి కావాల్సిన సేవలు చేయిస్తున్నాడట. మరి పైకి అమలాపాల్ వీటిని ఖండించినా, విజయ్ సేవల్ని ఇష్టపడే చేయించుకుంటుందని అనుకుంటున్నారు. మరి ప్రేమ ముదరి పాకాన పడితే.... ఇండస్ట్రీ నుండి అడ్రస్ లేకుండా పోవాల్సి వస్తుందమ్మడూ.... జాగ్రత్త.