Posted: 12/03/2012 12:56 PM IST

ఈ మధ్య సినిమా ఇండస్ట్రీ జూదంలో తయారయింది. ఏ సినిమాకి డబ్బులు వస్తాయో, ఏ సినిమాకి పోతాయో చెప్పలేని పరిస్థితి. దానికి తోడు పరిమితికి మించి బడ్జెట్ పెట్టి సినిమాలు తీయడం, ఒకవేళ ఆడితే... దానికి రెండు రెట్లు ఎక్కువ సంపాదించుకోవడం , లేక పోతే దివాలా తీయడం తెలుగు ఇండస్ట్రీలో కామన్ అయిపోయింది. తాజాగా ఆర్.ఆర్.మూవీ మేకర్స్ అనే సంస్థ నిర్మించిన ఢమరుకం సినిమా దెబ్బకు ఆ సంస్థనే మూత పడిందనే వార్తలు ఫిలిం నగర్ లో చెక్కర్లు కోడుతున్నాయి. నాగార్జున హీరోగా నటించిన ఈ సినిమాకి దాదాపుగా 45 కోట్ల వరకు బడ్జెట్ పెట్టి తీశారు. కానీ విడుదల టైంకి బయ్యర్లు లేక, పెట్టిన పెట్టుబడి రాక వాయిదాల మీద వాయిదాలు పడింది. ఎట్టకేలకు విడుదల అయి, మంచి టాక్ తెచ్చుకున్నా, కలెక్షన్స్ వీక్ గా ఉండటంతో, పెట్టిన పెట్టుబడి రాక దాదాపు 15 కోట్ల వరకు నష్టపోయారని అంటున్నారు. ఇండస్ట్రీలో చిన్న బ్యానర్ గా మొదలై పెద్ద బ్యానర్ గా ఎదిగిన ఆర్ ఆర్ మూవీ మేకర్స్ కి ఈ ఒక్క సినిమానే కాకుండా గతంలో నిర్మించిన రాజన్న, ఊసరవెల్లి, దడ చిత్రాలు కూడా బాక్సఫీసు వద్ద బోల్తా కోట్టడంతో తీవ్ర నష్టాల్లో కూరుకుపోయింది. ఇక చివరి ప్రయత్నంగా ఈ సినిమా తీసి, డబ్బులు సంపాదించుకుందామనుకున్న వారి ప్లాన్ బెడిసి కొట్టడంతో, ఆ సంస్థ మూసుకోవాల్సిన పరిస్థితి వచ్చింది. గతంలో ఇలాంటి నిర్మాణ సంస్థలు నష్టపోయి, అడ్రస్ లేకుండా పోయాయి. మరి ఆర్ ఆర్ మూవీ మేకర్స్ మళ్ళీ కోలుకుంటుందో లేక, అడ్రస్ లేకుండా పోతుందో చూడాలి అంటున్నారు సినీమా జనాలు. మరి ఈ బేనర్ గురించి తెలుసుకున్న నిర్మాలు ఇకనైనా తక్కువ బడ్జెట్ తో సినిమాలు చేస్తారో చూడాలి.