Posted: 08/21/2012 08:52 PM IST

ప్రముఖ దర్శకుడు ఇవివి సత్యనారాయణ కొడుకుగా తెలుగు తెరకు ఎంట్రీ ఇచ్చినా, అనతి కాలంలోనే తన నటనతో, కామెడీతో తనకంటూ ఓ ప్రత్యేక స్థానాన్ని ఏర్పరుచుకొని అభిమానుల మన్ననలు పొందుతున్న నటుడు అల్లరి నరేష్. అల్లరి నరేష్ తో సినిమా తీస్తే పెట్టిన పెట్టుబడికి ఢోకా ఉండదు అనే నమ్మకాన్ని నిర్మాతల్లో, ఈయన సినిమాకు వెళితే ఓ మూడు గంటలు మనసార నవ్వుకోవచ్చనే భావన అభిమానుల్లో కలిగించిన ఈయన ప్రస్తుతం భీమినేని శ్రీనివాసరావు దర్శకత్వంలో ‘‘సుడిగాడు ’’ అనే ఫుల్ లెన్త్ కామెడీ సినిమా చేస్తున్నాడు. ఇప్పటికే ఈ సినిమా టీజర్స్ కి మంచి రెస్పాన్స్ కూడా వచ్చింది. తాజాగా ఈ చిత్రం సెన్సార్ పూర్తి చేసుకుని యు/ఎ సర్టిఫికేట్ పొందింది. ఈ సినిమాని సెన్సార్ చేసిన సభ్యులు మాత్రం ఒక్క సారిగా ఖంగుతిన్నాడట. ఎందుకంటే... అల్లరి నరేష్ ఈ సినిమాలో కామెడీ కన్నా బూతు ఎక్కువ చేశాడట. ఈయన బూతు మాటలకు ఫ్యామిలీతో వచ్చి సినిమా చూడటం కొద్దిగా ఇబ్బందే అంటున్నారు సెన్సార్ సభ్యులు.

మరీ అభ్యంతరకరమైన కొన్ని సన్నివేశాలను తొలగించి, బూతులు ఎక్కువ ఉన్నచోట కీ....క్ సౌండ్‌లు పెట్టారట. అందుకే ఈ చిత్రానికి  యు/ఎ సర్టిఫికెట్ ఇచ్చారట. దీని పై సినీ జనాలు మాత్రం ఈ సినిమాతో కామెడీ హీరోగా పేరున్న నరేష్ బూతుపురాణాలు చదివే హీరో అనిపించుకోవడం ఖాయం అంటున్నారు. మరీ ఎక్కువ బూతు అయితే ‘ఆలీ ’ కి వచ్చిన పరిస్థితే వస్తుందంటున్నారు.