Posted: 08/06/2012 10:10 PM IST

సినిమా అన్నాక ఆ మాత్రం గ్లామర్‌గా కనిపించకపోతే ఎలా? ఐటమ్ సాంగుల్లో నర్తించే కొంతమంది బాలీవుడ్ హీరోయిన్లతో పోలిస్తే.. నేను చాలా బెటర్. ఒక్క పాటలోనే చేయాల్సిందంతా చేసేస్తున్నారు వాళ్లు. మీకంతగా రాయాలనుంటే వాళ్ల గురించి రాయండి’’ అంటూ కస్సుబుస్సులాడాన్నారు ముద్దుగుమ్మ దీక్షాసేథ్. ‘ఊ కొడతారా ఉలిక్కిపడతారా’లో దీక్షాసేథ్ గ్లామర్ అవధులు దాటిందని మీడియాల్లో వస్తున్న కథనాలపై స్పందిస్తూ ఆమె పై విధంగా స్పందించారు.

ఇంకా చెబుతూ-‘‘‘ఊ కొడతారా..’లో నేను చాలా సింపుల్‌గా కనిపించాను. ఆ సినిమాలో నేను వేసిన డ్రస్సులన్నీ ఈ రోజున ఆడపిల్లలందరూ బహిరంగంగానే వేసుకొని తిరుగుతున్నారు. మరి ఆ దుస్తుల్లో సదరు మీడియా వ్యక్తులకు అంత అసభ్యత ఏం కనిపించిందో నాకైతే అర్థం కావడం లేదు. హాలీవుడ్ స్థాయిలో తీసిన సినిమా అది. అలాంటి భారీ సినిమాలో కాస్త గ్లామర్ డోస్ ఉండటం తప్పుకాదు. ఇంటిల్లిపాదీ చూసి ఆనందించాల్సిన సినిమా కాబట్టి ప్రతి విషయంలోనూ చాలా జాగ్రత్తలు తీసుకొని దర్శకుడు శేఖర్‌రాజా ఈ సినిమాను తెరకెక్కించారు. మీ రేటింగుల కోసం లేనిపోనివి సృష్టించడం సబబు కాదు’’ అంటోంది దీక్షాసేథ్.