Posted: 08/06/2012 10:07 PM IST

స్టార్ హీరోలతో సంవత్సరానికి మూడు నాలుగు చిత్రాలు చేస్తూ బిజీ బిజీగా ఉన్న పూరీజగన్నాథ్ తను తీసిన సూపర్ హిట్ చిత్రాలకు సీక్వెల్ తీస్తానని గతంలో ప్రకటించాడు. కానీ ఇప్పుడు ఆ సీక్వెల్స్ చిత్రాలు తీయడం లేదని తెలుస్తుంది. గతంలో ‘ఇడియట్ ’ చిత్రానికి సీక్వెల్ చేస్తానని చెప్పి, అదే కాంబినేషన్లో ‘దేవుడు చేసిన మనుషులు ’ అనే చిత్రాన్ని చేస్తున్నాడు. ఇప్పుడు మహేష్ బాబు తో తీసిన ‘బిజినెస్ మేన్ ’ చిత్రానికి సీక్వెల్ తీస్తానని ప్రకటించాడు. కానీ పూరీజగన్నాథ్ తరువాత దీని పై ఖచ్చితమైన వివరాలు వెల్లడించలేదు. తాజాగా తీని పై ఓ క్లారిటీ ఇచ్చాడు. మహేష్ బాబుతో ‘బిజినెస్ మేన్ 2’ తీయాలనే ఆలోచన విరమించుకున్నామనీ, మహేష్ బాబు కోసం మరో కథ తయారుచేస్తాననీ పూరీ చెబుతున్నాడు. ఈ విషయం వెల్లడించిన తరువాత సినీ జనాలు మాత్రం గతంలో వచ్చిన సీక్వెల్ చిత్రాలు పెద్దగా ఆడలేదు, అందుకే సీక్వెల్స్ మానేశాడని అంటున్నారు.