Posted: 07/02/2012 05:41 PM IST

అనతి కాలంలోనే రాకెట్ లాగ ఇండస్ట్రీలోకి దూసుకొచ్చిన తారాజువ్వ, చెన్నయ్ సోయగం సమంతా సినీమా రంగానికి త్వరలోనే గుడ్ బై చెప్పేస్తుందా ? ఇక ముందు ఆమె సినిమాల్లో నటించడానికి అవకాశం లేదా ? అంటే అవుననే అనుకుంటున్నా అన్ని వర్గాల సినీ జనాలు . సమంతా తాజాగా ఒక్కరోజు కూడా ఖాళీ లేకుండా వివిధ సినిమాలకు కాల్షీట్లు ఇచ్చేసింది. ఆ సినిమాలన్నీ పెద్ద పెద్ద దర్శకులు , స్టార్ హీల సినిమాలే. కానీ సమంతా ఈ మధ్యన మణిరత్నం సినిమా నుండి కొంత షూటింగ్ అయిన తరువాత తప్పుకుంది. దానికో కారణం ఉందని అప్పట్లో వార్తలు వచ్చాయి. తాజాగా ఈమె మరో ప్రముఖ దర్శకుడు శంకర్ సినిమాలో నుండి తప్పుకోవడం, ఈమె ప్లేస్ ని బ్రిటన్ సుందరి ఎమీ జాక్సన్ భర్తీ చేయడం కూడా జరిగింది. మరో హాట్ న్యూస్ ఏంటంటే... మెగా పవర్ స్టార్ రామ్ చరణ్ సినిమా ‘ఎవడు’ సినిమా నుండి కూడా త్వరలో తప్పుకోనున్నట్లు సమారం. వీటి ప్రభావం మిగతా సినిమా పై కూడా పడుతుందని అనుకుంటున్నారు.

ఈ నేపథ్యంలో అసలు సమంతా సమస్య ఏమిటి... అని ఆరా తీస్తే... తను తీవ్రమైన స్కిన్ ఎలర్జీతో భాధ పడుతున్నట్టు తెలుస్తోంది.  ఈ ఎలర్జీ వల్ల ఆమె ముఖం బాగా ఇబ్బందికరంగా మారిందట. మూడు నెలల వరకు షూటింగులలో పాల్గొననని చెప్పి, చెన్నైలోని తన పర్శనల్ స్టాఫ్ ని వేరే పని చూసుకోమని సమంతా చెప్పిందట. ఈ కారణంగానే షూటింగులు చేయలేని స్థితిలో వుండడం వల్లే కమిటైన మూడు సినిమాలు వదులుకుందని సమాచారం. ప్రస్తుతం సమంతా స్కిన్ ఎలర్జీతో ముఖం చూడలేకుండా ఉందని, ఇక ఆమె సినిమాలకు పనికిరాదని, త్వరలోనే ఆమె సినిమా రంగానికి గుడ్ బై చెప్పి వేరే బిజినెస్ స్టార్ట్ చేయబోతుందని కూడా సినీ జనాల టాక్. పాపం సమంతా...