Posted: 06/28/2012 07:46 PM IST

మన తెలుగు హీరోలు సినిమాల్లో అంతగా ప్రయోగాలు చేయడానికి ఇష్టపడరు. ఎప్పుడు ఓ మూస ధోరణిలో సాగే చిత్రాలలో నటిస్తూ జనాలకు బోర్ కొట్టిస్తారు. ఏదైనా వెరైటీ పాత్రలు చేస్తే ఉన్న ఇమేజ్ ఎక్కడపోతుందోనని భయపడతారు. కానీ  తమిళ హీరోలు మాత్రం ఎప్పుడు కొత్త కొత్త ప్రయోగాలు చేస్తూ ప్రేక్షకుల మనస్సు దోచుకోవడానికి ప్రయత్నిస్తారు. ఆ మధ్యన విశాల్ ‘వాడు వీడు‘ సినిమాలో ‘గే’ పాత్ర పోషించి ఔరా అనిపించాడు. తమిళ తెలుగు హీరో సూర్య కూడా కొత్త కొత్త ప్రయోగాలు చేస్తాడు. ఇప్పుడు మరో తమిళ స్టార్ హీరో జయం రవి కూడా ఓ కొత్త ప్రయోగానికి శ్రీకారం చుట్టబోతున్నాడు. ఈయన తాజాగా నటించబోతున్న ఆది భగవాన్ చిత్రంలో ఆడ మగ కాని పాత్రలో నటించబోతున్నట్లు సమాచారం. ఇప్పటికే తమిళంలో మంచి పేరు సంపాదించుకున్న జయం రవి ఈ చిత్రంలో మరింత పేరు తెచ్చుకోవడానికి ప్రయత్నిస్తున్నాడని తమిళ జనాలు అంటున్నారు. మరి ఆడ, మగ కానీ పాత్ర ఏ మాత్రం పేరు తీసుకొస్తుందో చూడాలి.