Posted: 03/21/2012 04:01 PM IST

ఈ మధ్య కాలంలో సినిమాల్లో నష్టాలు ఎక్కువగా వస్తున్నాయి. గొప్పలకు పోయి మార్కెట్ కి మించి బడ్జెట్ పెట్టి సినిమాలు తీసి నష్టపోయి ఉన్నదంతా అమ్ముకునే పరిస్థితి తెచ్చుకుంటున్నారు. ఈ మధ్య కాలంలో హీరోలే ప్రొడ్యూసర్లుగా మారి సొంతంగా సినిమాలు తీసి చేతులు కాల్చుకుంటున్నారు. ఆ కోవలోకి విశాల్ కూడా వచ్చి చేరాడనే వార్తలు వినిపిస్తున్నాయి.

తన అన్నయ్య విక్రమ్ క్రిష్ణ జి.కె. ఫిల్మ్ బ్యానర్ లో విశాల్ హీరోగా చేస్తున్న సినిమాలు వరుస ప్లాపులు కావడంతో అప్పుల్లో కూరుకుపోయి ఆస్తులు అమ్ముకుంటున్నట్లు తాజా వార్తలు. మొన్నటికి మొన్న రాడాన్ ప్రొడక్షన్స్ అధినేత రాధిక విశాల్ పై అసోషియేషన్ లో కంప్లైట్ చేసిన విషయం తెలిసిందే. ఆమెకు తొమ్మిది కోట్లు రూపాయలు బాకీ పడ్డాడని అది ఎంతకు తీర్చక పోవడంతో ఆమె కంప్లైంట్ చేసిందని అన్నారు.

అయితే తమిళ వర్గాలు విశాల్ కి  తమిళ తెలుగులో మంచి మార్కెట్ ఉన్నప్పటికీ అతను సరిగా కథలు ఎంచుకోక, ఎవరూ తనతో సినిమాలు చేయకపోవడంతో తనే డైరెక్టర్ గా మారి సినిమాలు తీసుకోవడం వలన, ఎవరైనా తనతో సినిమాలు చేస్తే అందులో కూడా తను వేలు పెట్టి సినిమాని నాశనం చేయడం వలనే నేడు  విశాల్ కి ఆస్తులు అమ్ముకునే పరిస్థితి వచ్చిందని అంటున్నారు.
ఈ దెబ్బతో తన తండ్రి సంపాదించిన ఆస్తులు అమ్మకానికి పెట్టడమే కాకుండా, అన్నానగర్ లోని తన ఇంటిని అమ్మేస్తున్నట్లుగా చెప్తున్నారు. విశాల్ పరిస్థితి ఏ మాత్రం బాగాలేదని అంటున్నారు.