Posted: 03/01/2012 04:16 PM IST

‘మున్నీ బద్నామ్ హుయీ డార్లింగ్ తేరే లియే’...ఈ ఐటమ్‌సాంగ్ సృష్టించిన సంచలనం అంతాఇంతా కాదు. సల్మాన్‌ఖాన్ నటించిన ‘దబాంగ్’ చిత్రంలోని ఈ ఐటమ్‌సాంగ్‌లో నర్తించిన మల్లికా అరోరా హాట్‌గాళ్‌గా యూత్‌లో మంచి పాపులారిటీని సంపాదించుకుంది. ప్రస్తుతం ఈ చిత్రానికి సీక్వెల్‌గా ‘దబాంగ్ 2’ తెరకెక్కుతోంది. ఈ చిత్రంలో ‘మున్నీ...’పాటకు కొనసాగింపుగా మరో హుషారైన గీతాన్ని తెరకెక్కించే సన్నాహాల్లో వున్నారు దర్శకనిర్మాతలు. అయితే ఈ సారి ఈ పాటలో మలైకా అరోరా స్థానంలో కరీనా కపూర్ నర్తించనుంది. ఈ భామ చేస్తున్న మొదటి ఐటమ్‌సాంగ్ ఇదే కావడం విశేషం. ఈ మధ్యకాలంలో ‘రా.వన్’ చిత్రంలో కరీనా చేసిన ‘ఛమక్ ఛలో’ గీతానికి యూత్‌లో విపరీతమైన క్రేజ్ ఏర్పడింది. దాంతో పాటు ప్రియుడు సైఫ్ అలీఖాన్‌తో ఈ సుందరి త్వరలో విడుదల కాబోతున్న ‘ఏజెంట్ వినోద్’ చిత్రంలో ప్రఖ్యాత ముజ్రా నృత్యాన్ని చేసింది. వీటన్నంటినీ దృష్టిలో పెట్టుకొని కరీనాను ‘దబాంగ్2’లో ఐటమ్‌సాంగ్‌కు ఎంపిక చేశారని చిత్ర వర్గాలు చెబుతున్నాయి. సాజిత్-వాజిత్ జంట ఈ చిత్రానికి సంగీతాన్నందిస్తున్నారు.