Posted: 02/20/2012 05:39 PM IST

సమంతా... ఇప్పుడు టాలీవుడ్ లోనే కాకుండా ఏ వుడ్ లోనైనా ఈమె పేరు ప్రముఖంగా వినిపిస్తుంది. ఈమె డేట్స్ కోసం దర్శక, నిర్మాతలు ఎదురుచూస్తున్నారు. అనతి కాలంలో నెం.1 హీరోయిన్ గా పేరు తెచ్చుకున్న సమంతాకి ఆఫర్ల మీద ఆఫర్లు వస్తున్నాయి. తన మొదటి సినిమా తమిళంలో చేసింది. దాన్నే తెలుగులో రీమేక్ చేశారు. అందులో కూడా ఆమె నటించింది. తన మొదటి సినిమా అక్కడ, ఇక్కడ హిట్ కావడంతో ఆఫర్ల మీద ఆఫర్లు వచ్చాయి. అయితే ఈ భామ ఇప్పుడు తమిళ సినిమాలు చేయనంటోంది. ఎందుకంటే ఈ సంవత్సరం క్యాలెండ్ పూర్తిగా నిండి పోయింది.

సమంతా తెలుగులో మూడు చిత్రాల్లో చేస్తుంది. అలాగే తనకి లైఫ్ ఇచ్చిన గౌతమ్ మీనన్ దర్శకత్వంలో తెరకెక్కబోతున్న త్రి భాషా చిత్రంలో నటిస్తుంది. అవే కాకుండా తమిళంలో రెండు సినిమాలు చేస్తుంది. వీటితో ఈ సంవత్సరం మొత్తం సమంతా బుక్ అయిపోయింది. కాబట్టి ఇక పై తమిళంలో వచ్చే ఆఫర్లు చేయనంటోంది. ప్రస్తుతం తెలుగులో సమంతా హవా నడుస్తుంది కాబట్టి అక్కడి సినిమాలు చేయనంటోందని తమిళ వర్గాలు అనుకుంటున్నాయి.