Posted: 02/10/2012 06:52 PM IST

కమల్ హాసన్‌ పెద్ద కూతురు శ్రుతి హాసన్‌ ప్రస్తుతం క్లౌడ్‌ నైన్‌లో ఆనందంతో సాగిపోతోంది. ఎందుకంటే ఇటీవల అమ్మడు ప్రధాన మంత్రి మన్మోహన్‌ సింగ్‌ ఇచ్చిన విందులో పాల్గొంది. ఈ విందులో పాల్గొన్న ఏకైక నటి ఆమే కావడం శ్రుతి ఆనందానికి కారణం! బాలీవుడ్‌ నటుడు ఇమ్రాన్‌ ఖాన్‌ కూడా ఈ విందులో పాలుపంచుకున్నారు.

వీరిద్దరే ఆ విందులో తారలు కావడం విశేషం.వీరిద్దరూ కలసి ఇంతకు ముందు 'లక్‌' అనే సినిమాలో జంటగా నటించారు. ప్రధాని మారిషస్‌ టూర్‌లో ఆయనతో పాటు పాల్గొనే అవకాశం, ఆయన ఢిల్లీలో ఇచ్చిన విందులో పాల్గొనడం అంతా ఓ మధురస్వప్నంలా ఉందని శ్రుతి అంటోంది. ఈ అమ్మడు ప్రస్తుతం పవన్ కళ్యాణ్ సరసన గబ్బర్ సింగ్ చిత్రంలో నటిస్తోంది. అలాగే రజనీ అల్లుడు థనుష్ తో కలిసి త్రీ చిత్రంలో నటించింది. ఈ సినిమా త్వరలో విడుదల కానుంది.