Posted: 02/02/2012 05:49 PM IST

మెగాస్టార్ చిరంజీవి పెట్టిన పీఆర్పీకి యువరాజ్యం అధ్యక్షుడుగా ఉన్న పవన్ కళ్యాణ్ అప్పట్లో కాంగ్రెస్ నాయకుల పంచెలు ఊడదీయండి అని ప్రచారంలో చెప్పిన విషయం తెలిసిందే. అయితే పీఆర్పీని కాంగ్రెస్ లో విలీనం చేయడంతో రాజకీయంగా ఏమీ చేయలేక పోయిన పవన్ తన సినిమాల ద్వారా నాయకుల అవినీతి భారతాన్ని బయట పెట్టడానికి పూనుకున్నాడనిపిస్తుంది. ఎలాగు కాంగ్రెస్ నాయకులను ఏమి చేయలేడు కాబట్టి అక్రమంగా డబ్బులు సంపాదించుకొని కాంగ్రెస్ నుండి బయటికి వచ్చిన జగన్ పై తన అస్ర్తాన్ని ప్రయోగించబోతున్నాడా అంటే అవుననే అంటున్నాయి సినిమా వర్గాలు. ఈయన అవినీతి పై పోరాడటానికి సిద్ధం అయ్యాడు. పవన్ - పూరి జగన్నాథ్‌ కాంబినేషన్లో ఓ సినిమా రూపొంద బోతున్న సంగతి తెలిసిందే. తాజాగా అందిన సమాచారం ప్రకారం ఈ చిత్రంలో పవన్‌ కళ్యాణ్‌ జర్నలిస్టు పాత్రలో కనిపించనున్నారని తెలుస్తోంది. రాజకీయ నాయకులను టార్గెట్‌ చేస్తూ ఈ సినిమా ఉంటుందనే వార్తలు కూడా వినిపిస్తున్నాయి. అయితే ఈ సినిమా జగన్ అవినీతిని ఎండగట్టే ప్రయత్నమేనని అంటున్నారు.

అయితే ఇక్కడ దర్శకుడు పూరి జగన్నాథ్‌ జగన్ కి సన్నిహితుడనే వార్త ప్రచారంలో ఉంది. ఆ మధ్యన జగన్ పూరీ బిడ్డ ఫంక్షన్ కి వచ్చాడు. దీనిని బట్టయినా వీరిద్దరు మంచి స్నేహితులనే అర్ధం చేసుకోవచ్చు. మరి పూరీ జగన్ కి వ్యతిరేకంగా సినిమా చేస్తాడా ? అనేది అధికారిక సమాచారం వెలువడాల్సి ఉంది.

మీడియా మాఫియా నేపథ్యంలో సినిమా స్టోరీలైన్‌ ఉంటుందనే ప్రచారం ఫిల్మ్‌ నగర్లో సాగుతోంది. గతంలో ‘బంగారం’ సినిమాలోనూ పవన్‌ కళ్యాణ్‌ మీడియా జర్నలిస్టు పాత్రలో కనిపించిన విషయం తెలిసిందే. అయితే ఫిలింనగర్ లో మాత్రం జగన్ ని టార్గెట్ చేసుకొనే ఈ సినిమా చేస్తున్నాడని అంటున్నారు. మరి పవన్ ఏ స్టోరీ లైన్ మీద సినిమా తీస్తాడనేది వేచి చూడాలి.