Posted: 12/10/2011 01:42 PM IST

'మైనా' చిత్రంతో కోలీవుడ్‌కి పరిచయమైన అమలాపాల్... ఆ తరువాత విజయ్ దర్శకత్వంలో రూపొందిన 'దైవతిరుమగల్' చిత్రంలో నటించింది. అదే చిత్రం తెలుగులో 'నాన్న' పేరుతో విడుదలైంది. ఈ అమ్మడు నటించిన 'బెజవాడ' చిత్రం ఇటీవలే విడుదలైంది. ఇటీవల తమిళంలో ధనుష్ ఆలపించిన 'కొలవరి' అనే పాట ఎంతో పాపులర్ అయింది. ఈ పాట తమిళంలో 'త్రీ' చిత్రం కోసం కంపోజ్ చేసిన విషయం తెలిసిందే. ఈ సినిమాలో నటించే అవకాశం మొదట శ్రుతీహాసన్ కంటే ముందు అమలాపాల్‌కి వచ్చింది. చివరలో కాల్షీట్స్ కుదరక ఈ చిత్రం నుంచి అమలాపాల్ తప్పుకుంది. ఇప్పుడు దీనికి ఎంతో చింతిస్తున్నా అంటోంది ఈ అమ్మడు. "బిజీ షెడ్యూల్ వల్ల డేట్స్‌ని కేటాయించలేకపోయా. అంతేగానీ ఆ చిత్రాన్ని వదులుకోవాలనే ఉద్దేశం నాకు ఏకోశానా లేదు. ధనుష్ ఆలపించిన 'కొలవరి ది' సాంగ్ సింప్లీ సూపర్బ్. ఈ సినిమాలో నటించలేకోపోయినందుకు నాకూ బాధగానే ఉంది. 'వేట్టై' సినిమా దర్శకుడు లింగుస్వామితో నాకు ఎలాంటి విబేధాలు లేవని'' ఈ అమ్మడు అంటోంది.