జగన్ కు దూరంగా ఉన్న షర్మిల?

Posted: 08/30/2013 12:50 PM IST

వైఎస్ జగన్మోహన్ రెడ్డి చేస్తున్న ఆమరణ దీక్షను పోలీసులు భగ్నం చేసి, ఉస్మానియా ఆసుపత్రికి తరలించిన విషయం తెలిసిందే. అయితే జగన్ ను చూడటానికి, కుటుంబ సభ్యులు, వైఎస్ విజయమ్మ, వైఎస్ భారతి, బ్రదర్ అనిల్, పార్టీలోని ముఖ్యనాయకులు ఉస్మానియా వద్దకు వచ్చినట్లు సమాచారం. అయితే అక్కడి వచ్చిన కార్యకర్తలు, ముఖ్యనాయకులు, చూపులు వెతకసాగాయి. జగన్ ను చూడటానికి పోలీసులు నిరాకరిస్తున్నారు. కానీ వారి చూపులు మాత్రం వైఎస్ షర్మిల కోసం వెతకసాగాయి. ఉస్మానియా ఆసుపత్రి కనుచూపు మేర షర్మిల ఆనావాలు కనిపించలేదు. జగన్ జైలు నుండి బయటకు వస్తే, షర్మిల ఎందుకు దూరంగా ఉంది? జగన్ ను చూడటానికి షర్మిల ఎందుకు రాలేదు? బ్రదర్ అనిల్ కలిసి కారులో వస్తే బాగుండేది కాదా? అని కార్యకర్తలు యాక్ష ప్రశ్నలు వేసుకుంటున్నారు. బస్సుయాత్ర చెయ్యటానికి సిద్దమైన షర్మిల జగన్ ఆసుపత్రిలో ఉంటే చూడటానికి రాకపోవటం పై అనేక అనుమానాలు వినిపిస్తున్నాయి. జగన్ ఒక్కడే మీడియాలో ఫోకస్ కావాలనే ఉద్దేశంతో షర్మిలను దూరంగా పెట్టినట్లు మీడియా వర్గాలు అంటున్నాయి. అదే షర్మిల ఉస్మానియ వద్దకు వస్తే.. మీడియా ఫోకస్ అంత ఆమె పైనే ఉంటుందనే ఉద్దేశంతోనే.. షర్మిలను దూరంగా పెట్టినట్లుగా పార్టీ కార్యకర్తలు గుసగుసలాడుకుంటున్నారు. అయితే ఈ విషయాన్ని పార్టీలోని ముఖ్యనాయకులు కట్టిపారేస్తున్నారు. ఇంటి వద్ద ఉన్న పిల్లలకు తోడుకుగా షర్మిల ఉన్నారని సీనియర్ నాయకులు అంటున్నారు. వీటిలో ఏది నిజమో, ఏదీ అబద్దమో.. అంత ఆ పైవాడికే తెలియాలి.