అమ్మ కమిటైంది.. టీ-నిర్ణయం జరిగిపోయింది?

Posted: 07/30/2013 05:07 PM IST

తెలంగాణ పై అమ్మ కమిటైపోయింది. అందుకే నిర్ణయం తీసుకుందని తెలిపోయింది. కాంగ్రెస్ అధినేత్రి సోనియా గాంధీతో ముగ్గురు కేంద్రమంత్రులు, ముగ్గురు ఎంపీలు హాజరయ్యారు. ఆంధ్రప్రదేశ్ ను విభజించవద్దని వారు అధినేత్రిని కోరారు. దానితో పాటు పదవులు ముఖ్యం కాదని, రాష్ట్రాన్ని ముక్కలు చేయవద్దని స్పష్టం చేసినట్టు సమాచారం. అయితే వారి వాదనను ఓపికగా విన్న సోనియా గాంధీ ఇప్పటికే నిర్ణయం జరిగిపోయిందని, ఈ దశలో వెనక్కి వెళ్లలేమని చెప్పినట్లు సమాచారం. ఈ ఒక్కరోజులోనే అయిపోయిందని అనుకోవద్దని, ఎవరు ఎలాంటి ఆందోళన చెందవద్దని, మీ ప్రాంతాలకు అన్యాయం జరగకుండా చూస్తామని, అందరికీ ఆమోద యోగ్యమైన నిర్ణయమే తీసుకున్నామని తెలిపినట్టు సమాచారం. సోనియా గాంధీ తెలంగాణకు అనుకూలంగానే ఉన్నట్లు మొదటి నుండి వార్తలు వస్తున్నాయి. అయితే అమ్మ మదిలో ఏముందనేది మాత్రం ఇప్పటి వరకు ఎవరికీ తెలియలేదు. నిర్ణయం జరిగిపోయిన ఈ దశలో తనను కలిసిన సీమాంధ్ర నేతలతో... నిర్ణయం జరిగిపోయిందని అమ్మ చెప్పటం ఆశ్చర్యంగా ఉందని సీమాంద్ర నాయకులు అనుకుంటున్నారు. ఢిల్లీ పెద్దలు కూడా అమ్మ ఆల్ రెఢీ తెలంగాణకు కమిటైపోయింది. కాబట్టి మనం ఏం చెయ్యలేమని చేతులు తిరగేస్తున్నారని మీడియా వర్గాలు అంటున్నాయి. తెలంగాణ ఏర్పాటు ను అట్టుకునే ఒక్క మగాడు కోసం సీమాంధ్ర నాయకులు ఎదురుచూస్తున్నారు. ఆ ఒక్క మగాడు ఎవరు అనేది మరి కొద్ది నిమిషాల్లో తెలుస్తోందని సీమాంద్ర నాయకులు అంటున్నారు.