Posted: 01/18/2013 06:51 PM IST

ఈ మధ్యనే భారీ అంచనాల మధ్య విడుదల అయ్యి, ఘన విజయం సాధించిన మల్టీ స్టారర్ చిత్రం, 'సీతమ్మ వాకిట్లో సిరిమల్లె చెట్టు'... మహేష్ బాబు - వెంకటేష్, ఈ చిత్రంలో అన్నా తమ్ముళ్ళు గా, అద్భుతంగా నటించారు. ఆద్యంతం అలరించే వీరి నటన, చిత్రానికే ఒక హైలెట్. ఇక చిత్ర కధా, కధనం, ప్రకాష్ రాజ్, జయసుధ, రావు రమేష్, సమంత - అంజలీ ల నటన, పాటలు, మాటలు, ఎంతో క్లీన్ గా దర్శకుడు, శ్రీకాంత్ అద్దాల చిత్రాన్ని తెరకెక్కించిన వైనం, అన్ని వర్గాల ప్రేక్షకులని ఆకట్టుకుంది... 'నాయక్' వంటి భారీ కాంపిటేషన్ మధ్య విడుదల అయ్యి కూడా, 'సీతమ్మ...' ఘన విజయాన్ని సొంతం చేసుకుంది.

ముఖ్యంగా మహేష్ బాబు నటన, చూస్తున్న ప్రేక్షకుడిని కట్టిపడేసింది. ఇక ప్రిన్స్ అందం సంగతి ప్రత్యేకించి చెప్పాలా? అందులో, ఈ చిత్రంలో ఒక 5 సంవత్సరాలు తక్కువ వయస్సు గా, మరింత గ్లామర్ తో మహేష్ కనిపించే సరికి, అమ్మాయిలే కాదు, ఇటు అబ్బాయిలు కూడా, మహేష్ గ్లామర్ ని, నటనని పొగడకుండా ఉండలేకపోతున్నారు.

చిత్ర విజయాన్ని పురస్కరించుకుని మహేష్ బాబు మీడియా తో తన ఆనందాన్ని పంచుకున్నారు... వెంకటేష్ తో కలిసి నటించడం, తనకు గొప్ప అనుభూతిని మిగిల్చినదని చెప్పుకొచ్చారు. చిత్ర విజయం తనకు మరీనా ఆనందాన్ని ఇచ్చిందని, ఎటువంటి పాత్రలో అయినా, ప్రేక్షకులు తనని స్వీకరిస్తారు అన్న నమ్మకం తనకు కలిగింది అని, మహేష్ అన్నారు.

ఇక 'ఇంకొక మల్టీ స్టారర్ కి రెడీ నా' అన్న ప్రశ్నకు, ప్రస్తుతానికి ఇంకొక మల్టీ స్టారర్ తను చేసే ఉద్దేశంలో లేరని, ఇక తను సిక్స్ ప్యాక్ పెచుతున్నాడు అని వస్తున్న వార్తల్లో కూడా, ఏ మాత్రం వాస్తవం లేదని, తానూ పాత్రలకే ఎక్కువ పరిమితం ఇస్తాడని, బాలీవుడ్ కి వెళ్ళే ఆలోచనలు కూడా లేవని, టాలీవుడ్లోనే తనను ఆదరిస్తున్న ప్రేక్షకులకు మరిన్ని మంచి చిత్రాలు అందిస్తానని చెప్పుకొచ్చారు, మహేష్...