Posted: 07/21/2012 02:58 PM IST

మహేష్ బాబు కూతురు అచ్చం ఆయన పోలికతో ఉందంటున్నారు కుటుంబ సభ్యులు, సన్నిహితులు. శుక్రవారం మహేష్ సతీమణి నమ్రత ఓ పాపకు జన్మనిచ్చారు. శ్రావణ శుక్రవారం నాడు పాప పుట్టింది కాబట్టి… సాక్షాత్తు ఆ మహాలక్ష్మియే ఇంటికి వచ్చిందంటున్నారు. తమకు పుట్టబోయే రెండో బిడ్డకు సంబంధించిన బొడ్డుతాడును భవిష్యత్తు అవసరాల కోసం ‘కార్డ్‌లైఫ్’లో భద్రపరుచుకునేందుకు ఈ దంపతులు అంగీకరించిన విషయం తెలిసిందే. ఈ మేరకు వారు కార్డ్‌లైఫ్ ప్రతినిధులకు సమాచారం అందించారు. ‘‘నమ్రతకు పుట్టిన బిడ్డ నుంచి బొడ్డు తాడును వేరు చేసి, బొడ్డుతాడుతో పాటు అందులోని మూలకణాలను ‘కార్డ్‌లైఫ్’లో భద్రపరిచాం’’ అని ఆ సంస్థ ఎండీ మేఘనాథ్‌రాయ్ తెలిపారు. బొడ్డుతాడు నుంచి సేకరించిన మూలకణాలను 21 ఏళ్ల పాటు నిల్వ ఉంచుతారు. పాప మేజర్ అయిన తర్వాత ఆమె అంగీకారం మేరకు ఒప్పందాన్ని రెన్యూవల్ చేసుకునే అవకాశం ఉంది. ఇందుకోసం రూ.70 వేల నుంచి రూ.లక్ష వరకు ఛార్జీ చేస్తారు. ఈ మూల కణాల సహాయంతో క్యాన్సర్, బ్లడ్‌క్యాన్సర్, మూత్రపిండాలు, గుండె జబ్బులు, మధుమేహం, ఇతరగాయాల నుంచి రక్షణ పొందే అవకాశం ఉంది.

సూపర్ స్టార్ మహేష్ బాబు-నమ్రత దంపతులు శుక్రవారం ఉదయం పండంటి పాపకు జన్మనిచ్చిన విషయం తెలిసిందే. ఈ నేపథ్యంలో దర్శకుడు రాజమౌళి మహేష్ బాబు దంపతులకు విష్ చేశారు. అంతే కాదు ఈ సందర్భంగా ఆయన మహేష్ ఇంట పుట్టిన లిటిల్ ఏంజల్ పేరును కూడా వెల్లడించారు.ఆయన తన సోషల్ నెట్వర్కింగ్ బ్లాగులో వెల్లడించిన పేరు ‘సితార'. మరి ఈ పేరుపై పాపాయిని రాజమౌళి ముద్దుగా పిలుచుకుంటున్నారా...? లేక మహేష్ బాబు మనసులో ఉన్న ఆలోచనను ఈ విధంగా బయట పెట్టారా? అనేది తేలాల్సి ఉంది. మహేష్ బాబుకు చాలా దగ్గరి స్నేహితుల్లో రాజమౌళి ఒకరు. తరచూ ఆయన్ను ఈయన..ఈయన్ను ఆయన పొగుడుకుంటుండం మనం చూస్తూనే ఉన్నాం. ఆచొరవతోనే రాజమౌళికి మహేష్ బాబు అందరికంటే ముందు ఈ పేరు చెప్పినట్లు తెలుస్తోంది. మరో దర్శకుడు పూరి జగన్నాథ్ కూడా మహేష్ కూతురి పేరు ’సితార‘ అని కన్‍‌ఫర్మ్ చేశారు.ఇక మహేష్ బాబు పాపాయి విషయానికొస్తే... నమ్రత ప్రసవించిన స్వప్న నర్సింగ్ హోం డాక్టర్ మీడియాతో మాట్లాడుతూ తల్లి బిడ్డలు ఆరోగ్యంగా ఉన్నారని, కాన్పు జరిగే సమయంలో మహేష్ భార్య పక్కనే ఉన్నాడని చెప్పారు. మహేష్ బాబు బంధువులు, స్నేహితులు ఆసుపత్రికి ముందుగానే చేరుకున్నారని, మహేష్ బాబు తనయుడు గౌతం కూడా ఉదయం నుంచి ఆసుపత్రిలోనే ఉన్నారని, తన చిట్టి చెల్లి చూసి మురిసి పోయాడని వెల్లడించారు.