Posted: 07/20/2012 03:02 PM IST

వైఎస్ రాజశేఖర రెడ్డి కూతురు షర్మిల. తన అన్న జగన్మోహన్ రెడ్డి జైలుకు వెళ్లటంతో.. ఉప ఎన్నికల భారాన్ని తన నెత్తిన పెట్టుకొని..  ప్రజల ముందు ఫ్యాన్ ను సింగిల్ హ్యాండ్ తో తిప్పిన విషయం తెలిసిందే.  షర్మిల తిప్పిన తిప్పులకు  గాలి బాగా వీచి .. జగన్ పార్టీ విజయం సాధించిన విషయం అందరికి తెలిసిందే. అయితే  ఉప ఎన్నికల తరువాత  షర్మిల .. జగన్ పార్టీ కీలక పదవీ పోషిస్తారని  అందరు అనుకున్నారు.  కానీ ఉన ఎన్నికల విజయం నుండి .. షర్మిల తెరమరుగైందని ఆ పార్టీ నాయకులు కొంతమంది అంటున్నారు. ఇప్పుడు విజయమ్మ ఒక్కరే రాష్ట్ర ధర్నలకు వెళ్లటం పై అనేక అనుమానాలు వస్తున్నాయి. గత కొంత కాలంగా వై.ఎస్.ఆర్.కాంగ్రెస్ అద్యక్షుడు జగన్మోహన్ రెడ్డి సోదరి షర్మిలా ప్రజలలో ఎందుకు కనిపించడం లేదన్న చర్చ జరుగుతోంది.

ఉప ఎన్నికల ప్రచారంలో తన తల్లి విజయమ్మతో కలిసి షర్మిలా విస్తృతంగా ప్రచారం చేశారు. ఆమె ప్రసంగాలకు జనంలో కూడా మంచి స్పందన వచ్చింది. ఆ తర్వాత ఒక ఇడుపుల పాయలో తప్ప మిగిలిన రాజకీయ కార్యకలాపాలలోకాని, వై.ఎస్.ఆర్.కాంగ్రెస్ చేపడుతున్న కార్యక్రమాలలోకాని, తన తల్లి పాల్గొంటున్న ధర్నాలలో కాని షర్మిల కనిపించడం లేదు. షర్మిలను కేవలం ప్రచార సమయానికి పరిమితం చేయాలని భావించారా? లేక షర్మిల కూడా రాజకీయాలలో క్రియాశీలం అవడం కుటుంబంలో అంత ఇష్టం లేదా? లేక నిత్య రాజకీయాలలో ఉంటే వ్యక్తిగతంగా ఇబ్బంది వస్తుందని భావిస్తున్నారా?లేక నిత్యం జనంలో కనిపిస్తే, వచ్చే కీలక ఎన్నికల సమయంలో గ్లామర్ ఉండదని భావిస్తున్నారా?లేక మొత్తం కుటుంబ పార్టీ అన్న విమర్శలకు గురి కావల్సి వస్తుందని అనుకుంటున్నారా? ఇలా రకరకాల ప్రశ్నలు వస్తున్నాయి. ఉప ఎన్నికల సమయంలో షర్మిల ప్రచారంలో పాల్గొన్నప్పుడు ఆమె క్రియాశీల రాజకీయాలలో ఉండి ఎన్నికలలో కూడా పోటీచేయవచ్చేమోనన్న ఊహాగానాలు కూడా వచ్చాయి. కాని అలా జరగడం లేదు. కొద్ది రోజుల క్రితం విజయవాడలో జరిగిన ధర్నాకు కేవలం విజయమ్మ ఒకరే వెళ్లి వచ్చారు. అలాగే సిరిసిల్లకు కూడా విజయమ్మ పేరే ప్రచారం చేస్తున్నారు. దీంతో షర్మిల తెరవెనక్కి వెళ్లిపోయారా? అన్న మీమాంస నెలకొందని అంటున్నారు.