Posted: 07/14/2012 05:02 PM IST

ఆంధ్రప్రదేశ్  రాజకీయాల్లో  ఒక కీలక మార్పుకు కారణమయ్యే  గాలులు ఢిల్లీలో  వీస్తున్నాయి.   రాష్ట్రానికి సంబంధించిన  కాంగ్రెస్  వ్యవహారాల్ని  చక్కబెట్టడానికి ఒక ఫైర్ బ్రాండ్ కోసం  సోనియా కన్నులు వెతుకుతున్నాయట.  అంటే  గులామ్ నబీ ఆజాద్ కు ఆరోగ్యం.. అనారోగ్యంగా మారటంతో అధిష్టానం ఈ నిర్ణయం తీసుకున్నట్లు తెలుస్తోంది.  అమ్మ ఇప్పటికే  ఒక పేరు తెరపైకి తెచ్చినట్లు ఢిల్లీ నాయకులు అంటున్నారు.  ఆంధ్రప్రదేశ్ .. తెలంగాణ ఫైర్ బ్రాండ్ అయిన  రేణుకా చౌదరి పేరు అమ్మ  చెబుతున్నట్లు ఢిల్లీ నాయకులు అంటున్నారు.  అజాద్ బాధ్యతల్ని రేణుకా చౌదరికి అప్పగిస్తూ.. ఆపద్దర్మ ఇన్ చార్జీగా  నియమించాలని   సోనియా భావిస్తోందని కాంగ్రెస్ నాయకులు అంటున్నారు.  ప్రెసిడెన్షియల్ ఎలక్షన్  కాగానే  రేణుక చేతిలోకి ఏపీ పగ్గాలొచ్చే అవకాశముందని ఢిల్లీ నాయకులు అంటున్నారు. ఇప్పటికే పార్టీలో  లీడర్లు తలోదిక్కు పరుగెడ్తూ..  క్యాడర్ కు దిశానిర్థేశం కరువైన నేపథ్యంలో.. రేణుక లాంటి ముక్కుసూటి మనిషితో  కాయకల్ప చికిత్స  చేయించడం  అవసరమని సోనియా భావిస్తున్నట్లు  కాంగ్రెస్ సీనియర్  నాయకుడు చెప్పుకొచ్చారు.

కెసిఆర్ జోస్యాలతో తమకు సంబందం లేదని ఎఐసిసి అదికార ప్రతినిది రేణుకా చౌదరి అన్నారు. అయితే తెలంగాణ ను కాంగ్రెస్ హుందాగా, గౌరవంగా, గర్వంగా సాదించుకుంటామని రేణుక అంటున్నారు.తెలంగాణ ఉద్యమాన్ని నీరుగార్చుతున్నది ఆయనేనని కూడా ఆమె వ్యాఖ్యానించడం విశేషం.తెలంగాణ ఎప్పుడు , ఎలా ఇవ్వాలన్నది నిర్ణయించేది కాంగ్రెస్ అని ఆమె స్పష్టం చేశారు. రేణుకా చౌదరి మాటలు తెలంగాణకు అనుకూలంగా ఉన్నాయో, లేదో అర్ధం కాకుండా తెలివిగా మాట్లాడుతున్నారు తెలంగాణలోని అన్ని పార్టీలు తెలంగాణ పేరుతో ఓట్లు తెచ్చుకోవడానికి తాపత్రయపడుతుంటాయి. అందులో భాగంగానే రేణుకా చౌదరి మాట్లాడుతున్నారనిపిస్తుంది.అదే సమయంలో కొంతమంది నేతలు పైకి తెలంగాణ అంటారు. లోపల మాత్రం సీరియస్ గా తీసుకోరు. రేణుకా చౌదరి ప్రకటనను ఎలా తీసుకోవాలో? ఇక ఖమ్మంలోనే ఆమె రాజకీయాలు కేంద్రీకరించడం ద్వారా వచ్చే ఎన్నికలలో కూడా ఆమె పోటీ చయడమో, లేక ఆమె ప్రతిపాదించే అభ్యర్ధినే నిలబెట్టడమో చేయాలని ఆమె భావిస్తున్నట్లున్నారు. రేణుకా మూడోసారి రాజ్యసభకు ఎన్నికైన సంగతి తెలిసిందే.