Posted: 03/08/2012 06:25 PM IST

యువకులు గోడ దూకితే .. అర్థం మారిపోతుంది. దూకింది ఎందుకోసం అయిన.. అది తప్పుగానే భావిస్తారు? సామాన్య కుర్రళ్లో గోడలు దూకితే మాములే.. అదే ఒక సెలబ్రిటీ గోడ దూకితే.. మాత్రం.. అది ఒక సంచలన వార్త అవుతుంది. ఇప్పుడు అలాంటి విషయం ఒకటి వెలుగులోకి వచ్చింది. టీమిండియా క్రికెటర్ .. గోడ దూకడాట. అతను ఎవరు కాదు మన కేరళ కుర్రాడు.

తరచూ వివాదాలకు కేంద్ర బిందువుగా నిలిచే టీమిండియా స్పీడ్‌స్టర్ శ్రీశాంత్ తాజాగా మరో వివాదంలో చిక్కుకున్నాడు. ఐపీఎల్ ఐదో ఎడిషన్‌లో రాజస్థాన్ రాయల్స్‌కు ప్రాతినిథ్యం వహించనున్న కేరళ పేసర్ 'గోడ దూకి' మరోమారు వార్తల్లోకెక్కాడు. త్వరలో ప్రారంభంకానున్న ఐపీఎల్ సీజన్ కోసం రాజస్థాన్ రాయల్స్ జట్టు ఇక్కడి సవాయ్ మాన్‌సింగ్ స్టేడియంలో సన్నాహక శిబిరం ఏర్పాటు చేసింది.

అయితే సాయంత్రం వరకు జట్టుతో గడిపిన శ్రీశాంత్‌కు బోరు కొట్టినట్టుంది కాబోలు.. అర్ధరాత్రి ఎంచక్కా పార్టీకి చెక్కేశాడు. అయితే మామూలుగా కాకుండా దొడ్డిదారిలో గోడ దూకి సిటీలోని ఓ హోటల్‌లో పార్టీకెళ్లాడు! ఇక తెల్లవారక ముందే మళ్లీ అదే మార్గం లో లోనికి ప్రవేశించాడు. ఇందులో మరో ట్విస్ట్ ఏమిటంటే శ్రీ ఒక్కడే కాకుండా.. తనతోపాటు సహచర ఆటగాడు, ఆస్ట్రేలియా బౌలర్ షాన్ టె యిట్‌ను కూడా వెంటబెట్టుకెళ్లాడట! అయితే రాజస్థాన్ రాయల్స్ యాజమాన్యం మాత్రం శ్రీశాంత్, టెయిట్ తమ అనుమతి తీసుకునే వెళ్లారని చెబుతోంది.