Posted: 02/22/2012 02:37 PM IST

ప్రముఖ నటుడు గిరిబాబు అరుదైన గౌరవాన్ని సొంతం చేసుకున్నారు. అమెరికాలోని ప్రఖ్యాత వెస్ట్‌వూబూక్ యూనివర్సిటీ ఆయనకు గౌరవ డాక్టరేట్‌ను ప్రదానం చేసింది. సినిమా రంగంతో పాటు వివిధ సమాజ సేవా కార్యక్షికమాల్లో ప్రశంసనీయ సేవలకు గుర్తింపుగా వెస్ట్‌బ్రూక్ యూనివర్సిటీ ఈ అవార్డును ప్రదానం చేసినట్లు ఆయన కుమారుడు రఘుబాబు తెలిపాడు. గిరిబాబు మాట్లాడుతూ ..ఈ నెల 14న వర్శటీ వైస్‌ఛాన్సలర్‌ డాసత్య వై తకహషి ఈ అవార్డును ప్రదానం చేశారు.

18వ తేదిన ముఖ్యమంత్రి చేతుల మీదుగా అభినందన పత్రం అందుకున్నాను. నా సినిమాలకు సంబంధించిన వివరాలతో పాటు మా స్వంత ఊరిలో నేను చేసిన సామాజిక సేవా కార్యక్షికమాల వివరాల్ని తీసుకొని వెస్ట్‌వూబూక్ యూనివర్సిటీ వారు ఈ అవార్డును ప్రదానం చేయడం ఆనందంగా వుంది. మొదటి నుంచి సినిమాలతో పాటు సమాజ సేవా కార్యక్రమాలకు నేను ప్రాధాన్యతనిస్తున్నాను. మా స్వంత వూరు ప్రకాశం జిల్లా రావినూతలలో అందరి సమిష్టి సహకారంతో పలు సేవా కార్యక్షికమాలకు తోడ్పాటునందించాను. రెండెకరాల స్వంత భూమిని టి.టి.డి వారికి విరాళంగా ఇచ్చాను. కొంత నిధిని సేకరించి అక్కడ కళ్యాణ మండపం ఏర్పాటు చేయడం జరిగింది.

అలాగే గ్రామాభివృద్ధి కమిటీని ఏర్పాటు చేసి పలు సేవా కార్యక్షికమాలు చేపట్టాను. రాష్ట్ర స్థాయి క్రికెట్ పోటీలు జరిగేందుకు వీలుగా అక్కడ క్రికెట్ స్టేడియాన్ని కూడా అభివృద్ధి చేశాం. నాటక సమాజాన్ని కూడా స్థాపించి కళాకారులను ప్రోత్సహిస్తున్నాను. ఎలాంటి గాడ్‌ఫాదర్ లేకుండా సినీరంగంలో నిలదొక్కుకొని నటుడిగా మంచి పేరు తెచ్చుకోవడం ఆనందంగా వుంది. నేను సినిమాలకు దూరమయ్యానని చాలా మంది భావిస్తున్నారు. బ్రతికున్నంతకాలం నటుడిగానే కొనసాగుతాను’ అని అన్నారు.

38ఏళ్ల సుదీర్ఘ కెరీర్‌లో 550పైగా చిత్రాల్లో నటించి ప్రేక్షకుల మనసులో చెరగని ముద్ర వేసిన నటుడు గిరిబాబు. తెలుగు, తమిళ్‌ చిత్ర రంగాల్లోని అగ్రనటులతో నటించిన ఆయన సినీ, సామాజిక రంగాలలో చేసిన సేవలకు గుర్తింపుగా అమెరికా ఎయిమ్‌ వెస్ట్‌బ్రూక్‌ యూనివర్శిటీ గౌరవ డాక్టరేట్‌ను అందజేసింది.