Posted: 02/07/2012 11:37 AM IST

అమలాపాల్ ... ఇప్పుడు ఈ పేరుకి ఇటు తెలుగులోనూ అటు తమిళ్ లోనూ మంచి డిమాండ్ ఉంది. తెలుగులో ఈ అందాల రాసి చేసిన 'బెజవాడ'... పెద్దగా ఆడక పోయినప్పటికీ అవకాశాలు ఆగకుండా బాగానే వస్తున్నాయి. సిద్ధార్థ సరసన ఆమె నటించిన 'లవ్ ఫెయిల్యూర్' త్వరలో ప్రేక్షకుల ముందుకు రాబోతోంది. ఇక ఈ అమ్మడు తమిళ్ సినిమాలతో ప్రస్తుతం చాలా బిజీగావుంది. రీసెంట్ గా ఆమె నటించిన తమిళ్ సినిమా 'వెట్టయ్' చిత్రం పెద్ద విజయం సాధించించడంతో ఒక్కసారిగా ఆమె స్టార్ హీరోయిన్ అయిపోయింది.

అమలా పాల్ తక్కువ సమయంలో మంచి గుర్తింపు తెచ్చుకున్న ఈ కేరళ సుందరి ఇప్పుడు ‘మోస్ట్ వాంటెడ్’ హీరోయిన్ అయ్యారు. ప్రస్తుతం తెలుగు, తమిళ భాషల్లో కలిపి ఆమె చేతిలో దాదాపు ఐదు సినిమాల వరకు ఉన్నాయాట. నటిగా ఇంత బిజీ అవుతుందని హీరోయిన్ అవుతానని అమలాపాల్‌ అసలు ఊహించలేదని చెబుతుందని మీడియా ప్రతినిధులు అంటున్నారు.

హీరోయిన్ అయిన తర్వాత జీవితంలో చాలా మార్పు వచ్చిందని ఈ మలబార్ బ్యూటీ చెబుతుందట. సినిమాల్లోకి రాకముందు ఆమె ఇష్టం వచ్చినట్లు ఉండేదని కానీ ఇప్పుడు ఇతరుల గురించి కూడా ఆలోచించాల్సి వస్తోందని తెగ బాధపడిపోతుందని చెబుతుంది. సినిమా హీరోయిన్‌ని కాబట్టి నలుగురి దృష్టి ఉంటుందని భావించి తన లైప్ స్టైల్ ను మార్చుకుందని చెబుతుంది. అంతకుముందు ఆకతాయితనంగా ఉండేదాని కానీ ఇప్పుడు మాత్రం పబ్లిక్‌లోకి వచ్చినప్పుడు చాలా హుందాగా ఉండాలి కాబట్టి అలాగే ప్రవర్తిస్తున్నానని తన మిత్రులతో చెబుతుందని అంటున్నారు. అయితే అందుకు కారణం ఉందని అంటున్నారు..సినిమా తారలను చాలా మంది ఇన్‌స్పిరేషన్‌గా తీసుకునే వారుంటారు కాబట్టి ప్రవర్తన సరిగ్గా ఉండాలన్నది ఆమె అభిప్రాయమాని మీడియా ప్రతినిధులుతో చెబుతుందని అంటున్నారు.

కాగా, అమలాపాల్ సినిమాల సంఖ్యే కాదు... ఆమె అహంకారం కూడా పెరిగిపోయిందనే వార్తలు కోలీవుడ్ లో వినిపిస్తున్నాయి. విషయమేవిటంటే ... సూర్య హీరోగా చేస్తోన్న 'సింగం-2 సినిమాలో కథానాయికగా అవకాశం రావడంతో మొదట ఆనందంగా అంగీకరించిందట. అయితే ఆ తరువాత ఈ సినిమాలో మరో కథానాయికగా అనుష్క నటిస్తోందని తెలిసి డేట్స్ ఖాళీ లేవుంటూ మాట మార్చింది. దాంతో నిర్మాతలు ఏ మాత్రం బతిమాలకుండా నేరుగా వెళ్లి ఆ పాత్రకి హన్సికని ఎంపిక చేసుకోవడం కూడా ఆమెకి మింగుడు పడటంలేదని అంటున్నారు. చేతిలో సినిమాలు వున్నాయి కదా అని రెచ్చిపోతే పరభాషా చిత్రాల వైపు పరిగెత్తాల్సి వస్తుందని కోలీవుడ్ వర్గాలు అనుకుంటున్నాయని తెలుస్తోంది. మరి ఈ విషయంపై అమలాపాల్ ఎలా స్పదిస్తుందో ఏమో!