Posted: 01/18/2012 11:52 AM IST

శ్రీ రామరాజ్యం చిత్రంలో మహాసాధ్వి సీత పాత్రలో అద్భుతాభినయాన్ని కనబర్చి విమర్శకుల ప్రశంసలు పొందింది నయనతార. ప్రభుదేవాతో ప్రేమాయణం నడుపుతున్న ఈ భామ త్వరలోప్రభుదేవాను పెళ్లి చేసుబోతున్న విషయం తెలిసిందే. అంతేకాదు పెళ్లి తర్వాత ఈ సుందరి నటనకు గుడ్‌బై చెప్పనుందని, వివాహానంతరం నయనతార నటించడం ప్రభుదేవాకు ఇష్టం లేదనే వార్తలు కూడా వెలువడ్డాయి. నయనతార కూడా ఓ సందర్భంలో తన చివరి చిత్రం ‘శ్రీరామరాజ్యం’ కావొచ్చని ప్రకటించింది. పెళ్లికి సిద్ధపడుతున్నా తెలుగు ప్రేక్షకుల్లో ఈ సుందరికున్న క్రేజ్ ఏ మాత్రం తగ్గలేదు. చాలా మంది నిర్మాతలు నయనతారను తిరిగి నటింపజేసే ప్రయత్నాల్లో వున్నట్లు తెలిసింది. అయితే ఈ భామ మాత్రం పారితోషికాన్ని రెండింతలుగా పెంచి డిమాండ్ చేస్తుందని ఫిల్మ్ నగర్‌లో గుసగుసలు వినిపిస్తున్నాయి.

ఓ అగ్ర హీరో సరసన కథానాయికగా నటించమని ఇటీవల ఓ నిర్మాత నయతారను అడిగినట్టు తెలిసింది. అందుకు ఈ భామ తన పారితోషికాన్ని రెండింతలు చేసి చెప్పిందని, దాంతో సదరు నిర్మాత ప్రయత్నాన్ని విరమించుకున్నాడని ఫిల్మ్‌నగర్ సమాచారం. అయితే పరిక్షిశమలోని కొన్ని వర్గాలు మాత్రం ఇకపై సినిమాల్లో నటించడం నయనతారకు ఇష్టంలేదని, ఆ విషయాన్ని నిర్మాతలకు నిర్మొహమాటంగా చెప్పలేకనే నయనతార పారితోషికాన్ని డబుల్ చేసి చెబుతోందని అంటున్నారు. నయనతార మనసులోని మాట తెలియక ఆమెను నటింపజేయాలనుకున్న నిర్మాతలందరూ కొద్దిగా నిరుత్సాహపడ్డారట!