Posted: 11/25/2011 05:37 PM IST

రజినీకాంత్ తన కుటుంబ సభ్యులను పైకి చాలా జాగ్రత్తగా తీసుకొని వస్తాడు. మొదట తన మేనల్లుడైన ధనుష్ ని హీరోని చేసి తన కూతురు సౌందర్యను ఇచ్చి పెళ్ళి చేశాడు. ఇప్పుడు సౌందర్య సినిమాలను తన స్వీయ నిర్మాణంలో నిర్మిస్తుంది. అల్లుడిని హీరోగా, కూతురుని ప్రొడ్యూసర్ గా మార్చాడు రజినీ,. అయినా ఆమెను సినిమాల్లోకి తీసుకురావాలనే పట్టుదలతో ఉన్నాడు. ఈమెను దర్శకురాలిగా చూడాలనే తపన రజినీలో చాలానే ఉందట. అందుకే ఆమె దర్శకత్వంలో ఓ సినిమాకు కమీట్ అయ్యాడు.

తన చిన్న కూతురు సౌందర్య దర్శకత్వంలో ‘కోచ్ అదయన్’ సినిమా చేయబోతున్నారు. త్వరలోనే ఈ సినిమా షూటింగ్ ప్రారంభం కాబోతుంది. ఈ విషయాన్ని సౌందర్య తన ట్విట్టర్ ద్వారా వెల్లడించింది. ఈ సినిమా మొట్ట మొదటి ఇండియన్ 3డి చిత్రంగా రికార్డులకెక్కబోతోంది. హాలీవుడ్ సినిమాలైన అవతార్, టిన్ టిన్ భారీ చిత్రాలకు వాడిన 3డి టెక్నాలజీ కోచ్ అదనయన్ చిత్రానికి వాడుతున్నారు. రాణా దర్శకుడు కె.ఎస్. రవికుమార్ పర్యవేక్షణలో సౌందర్య ఈ చిత్రానికి దర్శకత్వం వహించబోతున్నారు. ఈరోస్ ఎంటర్ టైన్మెంట్ సంస్థ ఈ చిత్రాన్ని నిర్మించనుంది.

భారీ అంచనాలతో మొదలైన రజనీ ‘రాణా’ సినిమా ప్రారంభం రోజే రజనీకాంత్ అనారోగ్యం పాలవడంతో....షూటింగ్ కు బ్రేక్ పడిన విషయం తెలిసిందే. రజనీ అనారోగ్యం నుంచి కోలుకున్న తర్వాత ఆ సినిమాను తీద్దామని అనుకున్నప్పటికీ....భారీ యాక్షన్ సన్నివేశాలతో కూడిన ఈ సినిమాలో నటించేందుకు అతని అరోగ్యం సహకరించదని డాక్టర్లు తేల్చి చెప్పడంతో ఈ ప్రాజెక్టు తాజాగా ఆగి పోయింది. మళ్లీ మొదలవుతుందో ? లేదో కూడా తెలియని పరిస్థితి.