కెరీర్ పైనే దృష్టి.. అప్పుడే పెళ్లేంటీ: రూమర్స్ పై రామ్

Posted: 06/29/2022 06:48 PM IST

టాలీవుడ్​ బ్యాచిలర్స్​రో ఒకరైన యంగ్ హీరో రామ్ ​పోతినేని.. త్వరలోనే పెళ్లి పీటలు ఎక్కబోతున్నారని ఇటీవలే జోరుగా ప్రచారం సాగింది. సామాజిక మాద్యమాల్లో విపరీతంగా ఈ మేర ప్రచారం ఊపందుకుంది. ఎక్కడ చూసినా ఈయన పెళ్లి గురించే వార్తలు ట్రెండ్ అయ్యాయి. తన చిన్ననాటి స్నేహితురాలు, స్కూల్​ మేట్​ను వివాహం చేసుకోనున్నట్లు కథనాలు వచ్చాయి. కొంతకాలం నుంచి వీరు ప్రేమలో ఉన్నారని, వివాహ బంధంతో ఒక్కటవ్వాలని నిర్ణయించుకున్నారంటూ అంతా మాట్లాడుకున్నారు.

అయితే తాజాగా ఈ రూమర్స్​పై స్పందించారు హీరో రామ్​. "ఓరి దేవుడా, ఇక చాలు దయచేసి ఆపండి. నేను రహస్యంగా ఏ​ హై స్కూల్​ ఫ్రెండ్​ను పెళ్లి చేసుకోవట్లేదు. ఇదంతా ఎవరి సృష్టో తెలియదు కానీ.. ఈ కల్పిత కథనాలపై సన్నిహితులు, కటుంబసభ్యులకు కూడా వివరణ ఇచ్చుకోవాల్సిన పరిస్థితి ఏర్పడింది. ఇది నిజమేనా అంటే వారి వద్ద నుంచి కూడా ఫోన్ కాల్స్ వస్తున్నాయి. ఇక నిజం చెప్పాలంటే.. హై స్కూల్​కు నేనెప్పుడు సరిగ్గా వెళ్లలేదు" అంటూ రామ్​ పేర్కొన్నారు.

ఇక సినిమాల విషయానికొస్తే.. 'ఇస్మార్ట్​ శంకర్'​తో సూపర్​ సక్సెస్​ను అందుకున్న రామ్​.. ఆ తర్వాత నుంచి దూకుడు కొనసాగిస్తున్నారు. లింగుస్వామి దర్శకత్వంలో ఆయన నటించిన 'ది వారియర్'​ త్వరలోనే విడుదల కానుంది. మరోవైపు ఆయన ఊరమాస్​ డైరెక్టర్​ బోయపాటితో ఓ సినిమా చేస్తున్నారు. ఇటీవలే షూటింగ్ ప్రారంభించుకుందీ చిత్రం. వరుస సినిమాలు చేస్తూ బిజీ షెడ్యూల్ మధ్య గడుపుతున్న తనపై పెళ్లి అంటూ కల్పిత కథనాలు సోషల్ మీడియాలో వైరల్ అయ్యాయి.