హాలీవుడ్ లోకి సమంత.. గ్లామర్ డోసు పెంచేను మరింత..!

Posted: 11/26/2021 06:03 PM IST

Samantha signs her first international film samantha new movies

హీరో అక్కినేని నాగచైతన్యతో విడాకులు తీసుకున్న తర్వాత సమంత సినిమాలపై మరింత ఫోకస్ పెట్టింది. వరుస సినిమాలకు సైన్ చేసేస్తూ జోరు చూపిస్తోంది. వివాహ బంధం నుంచి వైదొలిగిన కొన్నాళ్లకే మూడు సినిమాలకు ఒప్పందం చేసుకున్న సామ్.. అటు బాలీవుడ్ సినిమాను కూడా కన్ఫర్మ్ చేసింది. సినిమాలపై సినిమాలతో జోష్ లో వున్న సామ్ తాజాగా హాలీవుడ్ బంపరాఫర్ ను చేజిక్కించుకుంది. ఫిలిప్ జాన్ అనే హాలీవుడ్ డైరెక్టర్ తో సినిమా చేయనుంది. తిమేరి ఎన్.మురారి రచించిన ‘అరెంజ్ మెంట్స్ ఆఫ్ లవ్’ అనే నవల ఆధారంగా.. అదే పేరుతో సినిమాను తెరకెక్కిస్తున్నారు.

ఈ విషయాన్ని సమంతే స్వయంగా తన సోషల్ మీడియా ద్వారా వెల్లడించారు. ‘ఓ కొత్త ప్రపంచం’ అంటూ ఆమె పోస్ట్ పెట్టింది. ‘‘సరికొత్త ప్రపంచం. 2009లో తొలిసారి ‘ఏ మాయ చేసావే’ సినిమా కోసం ఆడిషన్స్ లో పాల్గొన్నా. 12 ఏళ్ల తర్వాత మళ్లీ ఇప్పుడు ఆడిషన్స్ లో పాల్గొంటుంటే ఏదో ఆందోళన. ‘డౌన్ టౌన్ యాబీ’ సిరీస్ తో బాఫ్టా అవార్డును గెలిచిన డైరెక్టర్ ఫిలిప్ జాన్ తో హాలీవుడ్ సినిమా చేస్తున్నందుకు సంతోషంగా ఉంది. నన్ను ఎంపిక చేసినందుకు ఫిలిప్ జాన్ కు కృతజ్ఞతలు. అని సమంత తన సామాజిక మాద్యమంల పేర్కోంది.

ఇంత మంచి అవకాశం ఇచ్చిన సునీత తాటి, గురు ఫిల్మ్స్ కు ధన్యవాదాలు. ఈ జర్నీ చేయడానికి ఎదురుచూస్తున్నా. అని రాసుకోచ్చింది. కాగా అమె పోస్టుకు స్పందించిన ఓ అభిమాని శుభాకాంక్షలు చెప్పగా.. దేశం పేరును నిలబెడతానని ఆమె రిప్లై ఇచ్చింది. కాగా, ఫ్యామిలీ మ్యాన్ 2 సిరీస్ లో చాలా బోల్డ్ గా నటించి వేడెక్కించిన సమంత.. ఈ హాలీవుడ్ సినిమా కోసం మరింత హాట్ గా కనిపించనున్నట్టు తెలుస్తోంది. ఇక ఈ సినిమా విషయానికి వస్తే సామంత మరింత బోల్డ్ పాత్రలో నటిస్తోందని సమాచారం. ఏకంగా ఆమె బై సెక్సువల్ పాత్రలో నటించనుందని తెలుస్తోంది.