శ్యామ్ సింగ రాయ్ టీజర్: దేవదాసి వ్యవస్థపై పోరాటం

Posted: 11/18/2021 11:54 AM IST

Shyam singha roy teaser out nani is super impressive as a bong

న్యాచురల్ స్టార్ నాని టక్ జగదీష్ చిత్రం ఓటీటీలో విడుదల కావడంతో ఆయన అభిమానులు ఇప్పటికే దానిని వీక్షించినా.. తమ స్టార్ రికార్డు గురించి గర్వంగా చెప్పుకునే పరిస్థితిలో లేరు. దీంతో నాని తాజా చిత్రం ‘శ్యామ్ సింగ రాయ్’ను మాత్రం థియేటర్లలోనే విడుదల చేస్తుండటం.. అందుకు ముహూర్తం కూడా ఫిక్స్ చేయడంతో అభిమానులు ఇప్పటికే సంతోషాన్ని వ్యక్తం చేస్తున్నారు. ఈ క్రమంలో నాని తొలిసారిగా నటించిన చారిత్రక నేపథ్యం కలిగిన చిత్రంపై ఇప్పటికే అంచనాలు పెరిగాయి. ఈ చిత్రం ఎప్పుడెప్పుడు విడుదల అవుతుందా అంటూ అభిమానులు వెయిట్ చేస్తున్నారు.

కాగా, 'శ్యామ్ సింగ రాయ్' చిత్రబృందం అభిమానులకు మరో కానుక ఇచ్చి ఆరంభ సంబరాలకు అంకురార్పణ చేసింది. వెంకట్ బోయనపల్లి నిర్మించిన ఈ సినిమాకి, రాహుల్ సాంకృత్యన్ దర్శకత్వం వహించాడు. ఈ సినిమాలో నాని రెండు డిఫరెంట్ లుక్స్ తో కనిపించనున్నాడు. ఆయన సరసన నాయికలుగా సాయిపల్లవి .. కృతి శెట్టి .. మడోన్నా సెబాస్టియన్ సందడి చేయనున్నారు. ఈ కథ కోల్ కతా నేపథ్యంలో నడుస్తుంది. డిసెంబర్ 24వ తేదీన ఈ సినిమాను తెలుగుతో పాటు తమిళ .. మలయాళ .. కన్నడ భాషల్లోను భారీ స్థాయిలో విడుదల చేయనున్నారు.

తాజాగా ఈ సినిమా నుంచి టీజర్ ను రిలీజ్ చేశారు. కథా నేపథ్యంతో పాటు నాని .. సాయిపల్లవి .. కృతి శెట్టి పాత్రలను ఈ టీజర్ లో రివీల్ చేశారు. "అడిగే అండలేదు .. కలబడే కండలేదని రక్షించవలసిన దేవుడే రాక్షసుడిగా మారుతుంటే, కాగితం కడుపు చీల్చుకు పుట్టి రాయడమే కాదు, కాలరాయడం కూడా తెలుసని అక్షరం పట్టుకున్న ఆయుధం పేరే 'శ్యామ్ సింగ రాయ్' అంటూ ఆ పాత్ర మూలం చెప్పేశారు. ''స్త్రీ ఎవడికీ దాసీ కాదు ... ఆఖరికి ఆ దేవుడికి కూడా" అనే నాని డైలాగ్ తో, కథాంశం ఏమిటనేది అర్ధమయ్యేలా చేశారు. మొత్తం మీద ఈ టీజర్ .. సినిమాపై ఆసక్తిని రేకెత్తిస్తోంది.