అల్లు అర్జున్ ‘పుష్ప’ హిందీ రైట్స్ కు భారీ ధర.!

Posted: 06/25/2021 08:45 PM IST

Jaw dropping price for allu arjun pushpa hindi rights

టాలీవుడ్ స్టైలిష్ స్టార్ అల్లుఅర్జున్-ప్రముఖ దర్శకుడు సుకుమార్ కాంబినేషన్ లో రూపోందిన చిత్రాలంటే తెలుగు ప్రేక్షకులకు మంచి క్రేజు. తాజాగా ఈ క్రేజీ కాంబినేషన్ అంటే మిగతా బాషల్లోని అభిమానులకు కూడా ఆసక్తి చూపుతున్నారు. ఈ నేపథ్యంలో తాజాగా వీరిద్దరి కాంబినేషన్ రూపోందుతున్న అల్లు అర్జున్ - సుకుమార్ కాంబినేషన్లో 'పుష్ప' సినిమా రూపొందుతోంది. ఈ సినిమాను రెండు భాగాలుగా విడుదల చేయనున్నారు. మొదటి భాగానికి సంబంధించిన షూటింగు చివరిదశలో ఉంది.

ఈ చిత్రాన్ని వచ్చే నెలలో షూటింగు పార్టును పూర్తిచేసిన తరువాత పోస్టు ప్రోడక్షన్స్ పనులు, రీ-రికార్డింగ్ పనులు పూర్తి చేసుకన్న తరువాత ఫాన్ ఇండియా చిత్రంగా పలు బాషల్లో విడుదల అవుతున్న చిత్రాన్ని దసరా బరిలో నిలబెట్టాలనే ఆలోచనలో మేకర్స్ ఉన్నారు. ఈ నేపథ్యంలో ఈ సినిమా హిందీ డబ్బింగ్ రైట్స్ భారీ రేటుకు అమ్ముడైనట్టుగా వార్తలు వస్తున్నాయి. 17.5 కోట్లకు ఈ సినిమా హిందీ అనువాద హక్కులను అమ్మేసినట్టుగా చెప్పుకుంటున్నారు.

ఇది కేవలం 'పుష్ప' మొదటి భాగానికి సంబంధించిన అనువాద హక్కుల నిమిత్తం మాత్రమే. 'పుష్ప' రెండవ భాగం హక్కులకి సంబంధించిన ఆలోచన ఆ సినిమా పూర్తయిన తరువాతనే చేస్తారు. వచ్చే ఏడాదిలోనే రెండవ భాగం షూటింగు మొదలవుతుంది. రష్మిక కథానాయికగా అలరించనున్న ఈ సినిమాలో, ఫహాద్ ఫాజిల్ ప్రతినాయకుడిగా కనిపించనున్నాడు. నైట్ ఎఫెక్ట్ లో చిత్రీకరించిన బోట్ ఫైట్ ఈ సినిమాకి హైలైట్ గా నిలవనుందని అంటున్నారు. తెలుగు తెరపై ఇంతవరకూ చూడని కొత్త పద్ధతిలో ఈ ఫైట్ ను డిజైన్ చేసినట్టు తెలుస్తోంది.